ആമയെ പൊതുവേ ഒരു സാധു ജീവിയായാണ് കാണുന്നത്. അതുകൊണ്ട് തന്നെ ആമ ആക്രമിക്കുന്ന ദൃശ്യങ്ങള്‍ അപൂര്‍വ്വമായിരിക്കും. എന്നാല്‍ ഇതില്‍ നിന്ന് വ്യത്യസ്തമായി ഒരു പാമ്പിനെ ആമ ആക്രമിക്കുന്ന ദൃശ്യങ്ങളാണ് ഇപ്പോള്‍ സാമൂഹിക മാധ്യമങ്ങളില്‍ വൈറലാകുന്നത്.
ഒട്ടുമിക്ക ആമകളും സസ്യഭുക്കുകളാണ്. എന്നാല്‍ ശുദ്ധജലത്തില്‍ കാണുന്ന ചില ആമകള്‍ പാമ്പുകളെയും തവളകളെയും ആഹാരമാക്കാറുണ്ട്. ഇപ്പോള്‍ ഒരു അരുവിയില്‍ കല്ലിന്റെ അടിയില്‍ പതുങ്ങിയിരിക്കുന്ന ആമ പാമ്പിനെ ആക്രമിക്കുന്ന ദൃശ്യങ്ങളാണ് വൈറലാകുന്നത്.
ദേഹത്ത് വരകളുള്ള പാമ്പിനെയാണ് ആമ ആഹാരമാക്കിയത്. വെള്ളത്തിന്റെ ഒഴുക്കിന് അനുസരിച്ച് നീങ്ങിയ പാമ്പിനെ ഞൊടിയിടയില്‍ ആമ പിടികൂടുന്നതാണ് വീഡിയോയുടെ ഉള്ളടക്കം. പാമ്പിനെ പിടികൂടി ഉടന്‍ തന്നെ കല്ലിന്റെ അടിയിലേക്ക് തന്നെ ആമ മറയുന്നതും കാണാം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
