ഉള്ളിയും സവോളയും കൂടുതൽ നാൾ സൂക്ഷിക്കണോ? മുള പൊട്ടാതിരിക്കാൻ ഈ വഴികൾ പരീക്ഷിക്കാം 

നമ്മുടെ അടുക്കളയിലെ സ്ഥിരം സാന്നിധ്യമാണ് സവോളയും ഉള്ളിയും. എന്നും ആവശ്യമുള്ളതായതുകൊണ്ട് വാങ്ങുമ്പോൾ ഇവയെല്ലാം കുറച്ചധികം ഒന്നിച്ച് മേടിക്കുന്നതും പതിവാണ്. എന്നാലിവയ്ക്ക് മുള പൊട്ടി പെട്ടെന്ന് കേടാകുന്നതും പതിവ് സംഭവമാണ്. മുള കണ്ടാൽ പിന്നെയത് ഉപയോ​ഗിക്കാമോ എന്ന സം‌ശയം നമുക്കെല്ലാവർക്കുമുണ്ട്. രുചിയിലുണ്ടാകുന്ന വ്യത്യാസമല്ലാതെ ഇതുമൂലം മറ്റ് ആരോ​ഗ്യപ്രശ്നങ്ങളില്ലെന്നാണ് പറയുന്നത്. എന്നാൽ ഉള്ളയും സവോളയുമൊക്കെ ഇങ്ങനെ കേടായിപ്പോകാതിരിക്കാൻ ചെയ്യാവുന്ന ചില കാര്യങ്ങളുണ്ട്. 

ഉള്ളിയും സവോളയും നനവില്ലാത്ത എന്നാൽ അമിത ചൂട് ഏൽക്കാത്തതുമായ സ്ഥലത്ത് വയ്ക്കുന്നതാണ് നല്ലത്. ഇത് ഉള്ളിയിൽ മുള പൊട്ടുന്നതിനെ പരമാവധി തടയും. ഫ്രിഡ്ജിൽ ഉള്ളി സൂക്ഷിക്കേണ്ടതില്ല. തൊലി കളഞ്ഞ ഉള്ളിയാണെങ്കിൽ എയർടൈറ്റ് പാത്രത്തിലാക്കി ഫ്രിഡ്ജിൽ സൂക്ഷിക്കാവുന്നതാണ്. ചാക്ക് പോലുള്ളവയിൽ ഇവ സൂക്ഷിക്കുന്നതും നല്ലതാണ്. ഉള്ളിയും സവോളയുമൊന്നും പ്ലാസ്റ്റിക് സഞ്ചികളിൽ ആക്കി വയ്ക്കാത്തതാണ് നല്ലത്. പ്ലാസ്റ്റിക് കൂടിനുള്ളിൽ ഈർപ്പം തങ്ങിനിൽക്കുന്നതുകൊണ്ട് പെട്ടെന്ന് കേടാകാൻ സാധ്യതയുണ്ട്. 

ഉള്ളിയും സവോളയും മാത്രമല്ല പച്ചക്കറികൾ പച്ചക്കറികൾ അധികമായി സൂര്യപ്രകാശമെത്തുന്ന ഇടങ്ങളിൽ സൂക്ഷിക്കുന്നത് മുള പൊട്ടാൻ കാരണമാകും. അതുകൊണ്ട് ഇത്തരം സ്ഥലങ്ങളിൽ നിന്ന് മാറ്റവയ്ക്കൻ ശ്രദ്ധിക്കണം. ഉള്ളിക്കും സവോളയ്ക്കും ഒപ്പം ഉരുളക്കിഴങ്ങ്, വെളുത്തുള്ളി എന്നിവ സൂക്ഷിക്കാതിരിക്കാനും ശ്രമിക്കണം. ഇങ്ങനെചെയ്യുന്നത് ഇവയെല്ലാം ഒന്നിച്ച് കേടാകാൻ സാധ്യത വർദ്ധിപ്പിക്കും. 

ഈ വാര്‍ത്ത കൂടി വായിക്കൂ 

മാങ്ങ മുറിച്ച് സൂക്ഷിക്കണോ? കറുത്തുപോകാതിരിക്കാന്‍ ചെയ്യേണ്ടത് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ