ബംഗ്ലാദേശിനോടേറ്റ തോല്വി ഓസ്ട്രേലിയന് ടീമിന് ക്ഷിണമായെന്ന് ക്രിക്കറ്റ് ലോകം മുഴുവന് വിലയിരുത്തി. എന്നാല് ആ ക്ഷീണം ഒരു ഓസ്ട്രേലിയന് താരത്തിന്റെ ഭാരം വരെ കുറച്ചു. ഒന്നും രണ്ടുമല്ല, 4.5 കിലോയാണ് ബംഗ്ലാദേശിനെതിരെ ടെസ്റ്റ് കളിച്ച ഓസ്ട്രേലിയന് ബാറ്റ്സ്മാന് പീറ്റര് ഹാന്ഡ്സ്കോമ്പിന്റെ കുറഞ്ഞത്.
ബംഗ്ലാദേശിനെതിരായ ടെസ്റ്റ് മത്സരത്തില് 69 റണ്സായിരുന്നു പീറ്റര് നേടിയത്. ആ 69 റണ്സ് നേടാനാകട്ടെ കളഞ്ഞത് 4.5 കിലോ തൂക്കവും. ചൂടായിരുന്നു ഈ ഓസീസ് ബാറ്റ്സ്മാനെ വലച്ചത്.
ബാറ്റിങ്ങിനിറങ്ങിയ സമയത്തും പീറ്റര് അടുത്തടുത്ത് ഇടവേളകളെടുത്തിരുന്നു. ക്രീസില് നില്ക്കാന് സാധിക്കാത്ത വിധത്തില് തളരുകയും ചെയ്തിരുന്നു. തളര്ന്നെങ്കിലും ഓസിസീന് നിര്ണായകമായ റണ്സ് നേടിയാണ് പീറ്റര് ക്രീസ് വിട്ടത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ