കൊച്ചി: കേരള ബ്ലാസ്റ്റേഴ്സിനെ നിരാശയിലാക്കി ടീം വിട്ടുപോയ സൂപ്പര് താരം മാര്ക്ക് സിഫ്നിയോസ് എഫ്.സി ഗോവയില് ചേര്ന്നു. പരിക്ക് കാരണമാണ് സിഫ്നിയോസ് ടീം വിട്ടതെന്നായിരുന്നു പരിശീലകന് ഡേവിഡ് ജെയിംസ് നേരത്തെ വ്യക്തമാക്കിയിരുന്നത്. എന്നാല് താരം ഗോവന് ടീമില് ചേര്ന്നതോടെ ഈ വാദം പൊളിയുകയാണ്. സീസണില് ടീമിനായി നാല് ഗോള് നേടിയ ഈ ഡച്ച് സ്െ്രെടക്കര് കഴിഞ്ഞ ദിവസമാണ് കേരളാ ബ്ലാസ്റ്റേഴ്സ് വിട്ടത്.
ടീമിന്റെ ആദ്യ പരിശീലകനായിരുന്ന റെനെ മ്യുലന്സ്റ്റീന് രാജി വച്ചതിന് പിന്നാലെയായിരുന്നു സിഫ്നിയോസും ടീം വിട്ടത്. ഈ സീസണില് ബ്ലാസ്റ്റേഴ്സിന്റെ ആദ്യ ഗോള് നേടിയത് സിഫ്നിയോസായിരുന്നു. ടീം വിടുന്നതുമായി ബന്ധപ്പെട്ട് താരം മാനേജ്മെന്റുമായി ചര്ച്ച നടത്തിയിരുന്നെന്നും പരസ്പര ധാരണയോടെയാണ് തീരുമാനമെടുത്തതെന്നും കേരള ബ്ലാസ്റ്റേഴ്സ് മീഡിയ മാനേജര് സജീവ് നേരത്തെ വ്യക്തമാക്കിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ