ആംസ്റ്റർഡാം: വിഖ്യാത ജമൈക്കൻ സംഗീതജ്ഞൻ ബോബ് മാർലിയ്ക്ക് ആദരവുമായി ഡച്ച് ക്ലബ് അയാക്സ് ആംസ്റ്റർഡാം. പുതിയ സീസണിലേക്കുള്ള മൂന്നാം കിറ്റ് ക്ലബ് ബോബ് മാർലിയുടെ ഓർമകൾക്ക് സമർപ്പിച്ചു. ബോബ് മാർലിയുടെ ഓർമ്മയിൽ നിന്ന് പ്രചോദനം ഉൾക്കൊണ്ടാണ് അയാക്സ് കിറ്റ് ഒരുക്കിയിരിക്കുന്നത്.
ബോബ് മാർലിയുടെ ത്രീ ലിറ്റിൽ ബേർഡ്സ് അയാക്സ് ആരാധകർ അവരുടെ ആന്തം ആയാണ് കണക്കാക്കുന്നത്. ഈ പാട്ടിനും ബോബ് മാർലിക്കുമായുള്ള ട്രുബ്യൂട്ട് ആയാണ് അയാക്സ് പുതിയ ജേഴ്സി ഒരുക്കിയിരിക്കുന്നത്.
കറുപ്പ് നിറത്തിൽ ഉള്ള ജേഴ്സിയിൽ മഞ്ഞയും പച്ചയും ചുവപ്പും നിറത്തിലുള്ള ഷേഡുകളും ഉണ്ട്. ജേഴ്സിയുടെ പിറകിൽ മൂന്ന് പക്ഷികളുടെ ചിത്രവും ഉണ്ട്. ജേഴ്സി ഒരുക്കിയിരിക്കുന്നത് അഡിഡാസാണ്. ഓൺലൈൻ സ്റ്റോറുകളിൽ ജേഴ്സി ലഭ്യമാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
