"കോഹ്‌ലി മുന്നിൽ നിന്ന് നയിച്ചു, ആ ഓരോ നിമിഷവും ഞാൻ ആസ്വദിച്ചിട്ടുണ്ട്": രോഹിത് ശർമ്മ
അഞ്ച് വർഷം വിരാട് കോഹ്‌ലി ഇന്ത്യൻ ടീമിനെ മിന്നിൽ നിന്ന് നയിച്ചെന്നും അദ്ദേഹത്തിന് കീഴിൽ കളിച്ച ഓരോ നിമിഷവും ആസ്വദിച്ചെന്നും പുതിയ വൈറ്റ് ബോൾ നായകൻ രോഹിത് ശർമ്മ.
'അദ്ദേഹം ടീമിനെ നയിച്ച അഞ്ച് വർഷങ്ങൾ, എപ്പോഴും മുന്നിൽ നിന്നുതന്നെ നയിച്ചു. എല്ലാ കളിയും ജയിക്കാനുള്ള വ്യക്തമായ മനക്കരുത്തും നിശ്ചയദാർഢ്യവും ഉണ്ടായിരുന്നു, അതായിരുന്നു മുഴുവൻ ടീമിനുമുള്ള സന്ദേശം', രോഹിത് പറഞ്ഞു. കോഹ്‌ലിക്ക് കീഴിൽ താൻ ഒരുപാട് കളിച്ചെന്നും ആ ഓരോ നിമിഷവും ആസ്വദിക്കുകയും ഇപ്പോഴും ആസ്വദിച്ചുകൊണ്ടിരിക്കുകയും ചെയ്യുന്നെന്നും താരം പറഞ്ഞു. അവസാന നേട്ടത്തെക്കുറിച്ച് ചിന്തിക്കുന്നതിനേക്കാൾ കൂടുതൽ, അതിലേക്കുള്ള യാത്രയിൽ ശ്രദ്ധനൽകൂ എന്നാണ് രോഹിത്തിന് ടീം അംഗങ്ങളോട് പറയാനുള്ളത്.
'ടീമിനെ നയിക്കാൻ എനിക്ക് വളരെ കുറച്ച് അവസരങ്ങളെ ലഭിച്ചിട്ടൊള്ളു. പക്ഷെ അവസരം ലഭിച്ചപ്പോഴൊക്കം വളരെ സിംപിൾ ആയി കാര്യങ്ങളെ എടുക്കാനാണ് ഞാൻ ശ്രദ്ധിച്ചത്. കളിക്കാരുമായുള്ള വ്യക്തമായ ആശയവിനിമയത്തിനാണ് ഞാൻ ശ്രദ്ധനൽകിയത്', താരം പറഞ്ഞു. കളിക്കാർക്ക് അവരുടെ റോളുകൾ മനസ്സിലായെന്ന് ഉറപ്പാക്കും, കാരണം സ്വന്തം സ്ഥാനം തിരിച്ചറിയുകയും അതനുസരിച്ച് പ്രകടനം കാഴ്ചവയ്ക്കുകയുമാണ് വേണ്ടതെന്നും താരം കൂട്ടിച്ചേർത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
