മുംബൈ: ഐപിഎല്ലിൽ ഇന്ന് നടന്ന രണ്ടാം മത്സരത്തിൽ റോയൽ ചലഞ്ചേഴ്‌സ് ബാംഗ്ലൂരിനെതിരെ ഡൽഹി കാപിറ്റൽസിന് മുന്നിൽ 190 റൺസ് വിജയലക്ഷ്യം. ടോസ് നഷ്ടപ്പെട്ട് ബാറ്റിംഗിനിറങ്ങിയ ബാംഗ്ലൂർ അഞ്ച് വിക്കറ്റ് നഷ്ടത്തിൽ 189 റൺസെടുത്തു. ഗ്ലെൻ മാക്‌സ്വെൽ (34 പന്തിൽ 55), ദിനേശ് കാർത്തിക് (34 പന്തിൽ പുറത്താവാതെ 66) എന്നിവരുടെ ചെറുത്തുനിൽപ്പാണ് ബാംഗ്ലൂരിന് മികച്ച സ്കോർ സമ്മാനിച്ചത്.
ആദ്യ മൂന്ന് ഓവറിനിടെ തന്നെ ഓപ്പണർമാരായ അനുജ് റാവത്ത് (0), ഫാഫ് ഡു പ്ലെസിസ് (8) എന്നിവരുടെ വിക്കറ്റുകൾ ആർസിബിക്ക് നഷ്ടപ്പെട്ടു. ഏഴാം ഓവറിൽ വിരാട് കോലി (12) റണ്ണൗട്ടായി. പിന്നാലെ സുയഷും (12) മടങ്ങി. സ്‌കോർബോർഡിൽ 92 റൺസ് ആയിരിക്കെ മാക്‌സ്‌വെല്ലും മടങ്ങി. പിന്നീട് ക്രീസിൽ നിറഞ്ഞാടിയ കാർത്തിക് അഞ്ച് വീതം ഫോറും സിക്‌സും പറത്തി. ഷഹബാസ് അഹമ്മദ് 21 പന്തിൽ പുറത്താവാതെ 32റൺസെടുത്തു. ഇരുവരും ചേർന്ന് 97 റൺസിന്റെ കൂട്ടുകെട്ടുണ്ടാക്കി.
പ്ലയിംഗ് ഇലവനിൽ മാറ്റം വരുത്തിയാണ് ഇരു ടീമുകളും ഇറങ്ങിയത്. സർഫറാസ് ഖാന് പകരം മിച്ചൽ മാർഷ് ടീമിലെത്തി. ആർസിബിയിൽ ആകാശ് ദീപിന് പകരം ഹർഷൽ പട്ടേൽ തിരിച്ചെത്തി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
