മുംബൈ: വെസ്റ്റ്ഇന്ഡീസ് ക്രിക്കറ്റ് താരം കീറോണ് പൊള്ളാര്ഡ് അന്താരാഷ്ട്ര ക്രിക്കറ്റില് നിന്ന് വിരമിച്ചു. വിന്ഡീസിനായി 121 ഏകദിനവും 101 ട്വന്റി 20മത്സരവും കളിച്ചിട്ടുണ്ട്.
ഐപിഎല്ലില് മുംബൈ ഇന്ത്യന്സിനെ പ്രതിനീധീകരിക്കുന്ന പൊള്ളാര്ഡ് ക്രിക്കറ്റില് നിന്ന് വിരമിക്കുന്ന കാര്യം താരം സാമൂഹികമാധ്യമത്തിലൂടെയാണ് അറിയിച്ചത്.
'കരിയറില് ഉടനീളം തന്നില് അചഞ്ചലമായി പുലര്ത്തിയ വിശ്വാസത്തിന് താന് നന്ദിയുള്ളവനാണെന്ന് പൊള്ളാര്ഡ് ഇന്സ്റ്റഗ്രാമില് കുറിച്ചു. വിവിധ സെലക്ടര്മാരോടും മാനേജ്മെന്റ് ടീമുകളോടും പ്രത്യേകിച്ച് കോച്ച് ഫില് സിമ്മണ്സിനോടും താന് ഏറെ കടപ്പെട്ടിരിക്കുന്നു. വിന്ഡീസ് ക്യാപ്റ്റനായിരുന്ന സമയത്ത് തനിക്ക് തന്ന പിന്തുണയ്ക്കും പ്രോത്സാഹനത്തിനും സിഡബ്ല്യുഐയുടെ പ്രസിഡന്റ് റിക്കി സ്കെറിറ്റിനോട് നന്ദി അറിയിക്കാന് ഈ അവസരം ഉപയോഗിക്കുന്നതായും പൊള്ളാര്ഡ് പറഞ്ഞു
33 കാരനായ പൊള്ളാര്ഡ് 2007-ല് ദക്ഷിണാഫ്രിക്കയ്ക്കെതിരായ ഏകദിനത്തിലാണ് അരങ്ങേറ്റം കുറിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
