അമ്പയറുടെ ചെയറില്‍ അടിച്ച സംഭവം, സ്വെരേവിന് 30 ലക്ഷം രൂപ പിഴ

ലോക മൂന്നാം നമ്പര്‍ താരവും ഒളിംപിക്‌സ് ചാമ്പ്യനുമാണ് അലെക്‌സാണ്ടര്‍ സ്വെരേവിന് 30 ലക്ഷം രൂപ പിഴയിച്ച് എടിപി
ഫോട്ടോ: ട്വിറ്റർ
ഫോട്ടോ: ട്വിറ്റർ

അകാപുല്‍കോ: ലോക മൂന്നാം നമ്പര്‍ താരവും ഒളിംപിക്‌സ് ചാമ്പ്യനുമാണ് അലെക്‌സാണ്ടര്‍ സ്വെരേവിന് 30 ലക്ഷം രൂപ പിഴയിച്ച് എടിപി. മെക്‌സിക്കന്‍ ഓപ്പണ്‍ ഡബിള്‍സില്‍ അമ്പയറുടെ ചെയറില്‍ തന്റെ റാക്കറ്റ് ഉപയോഗിച്ച് തുടരെ അടിച്ചതിനാണ് ശിക്ഷ.

മോശം ഭാഷ ഉപയോഗിച്ചതിനാണ് 15 ലക്ഷം രൂപ പിഴ. കളിയുടെ മാന്യതയ്ക്ക് നിരക്കാത്ത പെരുമാറ്റത്തിന് 15 ലക്ഷം രൂപ പിഴയും വിധിച്ചു. ഇതോടെ സ്വെരേവ് 30 ലക്ഷം രൂപ പിഴയടക്കണം എന്ന് എടിപിയുടെ പ്രസ്താവനയില്‍ പറയുന്നു. 

ഇതിന് പുറമെ മെക്‌സിക്കന്‍ ഓപ്പണില്‍ ഡബിള്‍സിലും സിംഗിംള്‍സിലും ആദ്യ റൗണ്ടുകള്‍ ജയിച്ചപ്പോള്‍ ലഭിച്ച സമ്മാന തുക തിരികെ നല്‍കണം എന്നും എടിപി വ്യക്തമാക്കുന്നു. ഇവിടെ നിന്ന് ലഭിച്ച റാങ്കിങ് പോയിന്റും പിന്‍വലിക്കും. 

മെക്‌സിക്കന്‍ ഓപ്പണ്‍ ഡബിള്‍സിലെ തോല്‍വിക്ക് ശേഷമാണ് സ്വരേവ് അമ്പയറുടെ ചെയറില്‍ തന്റെ റാക്കറ്റുകൊണ്ട് അടിച്ചത്. നേരിയ വ്യത്യാസത്തിനാണ് അമ്പയറുടെ കാലില്‍ അടിയേല്‍ക്കാതിരുന്നത്. അമ്പയറുടെ ലൈന്‍ കോളാണ് സ്വെരേവിനെ പ്രകോപിപ്പിച്ചത്. പിന്നാലെ സ്വെരേവിനെ മെക്‌സിക്കന്‍ ഓപ്പണില്‍ നിന്ന് പുറത്താക്കി. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com