എഡ്ജ്ബാസ്റ്റണ്: വിരാട് കോഹ്ലി ടീമിലേക്ക് എത്തിയതോടെ രോഹിത്തിനൊപ്പം ഇന്നിങ്സ് ഓപ്പണ് ചെയ്യും എന്നാണ് വിലയിരുത്തപ്പെട്ടിരുന്നത്. എന്നാല് എഡ്ജ്ബാസ്റ്റണില് രോഹിത്തിനൊപ്പം ഇറങ്ങിയത് ഋഷഭ് പന്ത്. ഇവിടെ ക്രീസില് വെച്ച് രോഹിത്തും പന്തും തമ്മില് നടത്തിയ സംസാരമാണ് ഇപ്പോള് ആരാധകരില് കൗതുകം സൃഷ്ടിക്കുന്നത്...
ഇന്ത്യന് ഇന്നിങ്സിലെ ആദ്യ ഓവറിലാണ് സംഭവം. ഡേവിഡ് വില്ലിയുടെ ഡെലിവറിയില് ഋഷഭ് പന്ത് സിംഗിളിനായി ശ്രമിക്കുമ്പോള് ബൗളര് ഓട്ടം തടസപ്പെടുത്തുന്ന വിധം നിന്നു. ഇതിന് ശേഷം രോഹിത്തും പന്തും തമ്മില് ഹിന്ദിയില് സംസാരിച്ചതാണ് സ്റ്റംപ് മൈക്ക് പിടിച്ചെടുത്തത്.
അവന് മുന്പില് വന്ന് നില്ക്കുകയാണെന്നാണ് രോഹിത്തിനോട് പന്ത് പറഞ്ഞത്. ഞാന് അവനെ അടിക്കട്ടെ എന്ന് പന്ത് രോഹിത്തിനോട് ചോദിക്കുന്നുണ്ട്. എന്തുകൊണ്ട് പാടില്ല? നീ ഉറപ്പായും അടിക്കൂ എന്നാണ് പന്തിനോട് രോഹിത് പറഞ്ഞത്.
49 റണ്സിന്റെ കൂട്ടുകെട്ടാണ് രോഹിത്തും പന്തും ചേര്ന്ന് കണ്ടെത്തിയത്. 20 പന്തില് നിന്ന് 31 റണ്സ് എടുത്ത് രോഹിത് മടങ്ങിയപ്പോള് 15 പന്തില് നിന്ന് 26 റണ്സ് ആണ് ഋഷഭ് പന്ത് നേടിയത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ