ന്യൂഡല്ഹി: ഇന്ത്യന് ക്യാപ്റ്റന് രോഹിത് ശര്മ, വിക്കറ്റ് കീപ്പര് ബാറ്റര് ഋഷഭ് പന്ത് എന്നിവരുടെ നിര്ദേശങ്ങളാണ് ഇന്ത്യന് ടീമിലേക്ക് തിരികെ കയറാന് കരുത്ത് നല്കിയതെന്ന് ജെമിമ റോഡ്രിഗ്സ്. ഏകദിന ലോകകപ്പിന് മുന്പായി ജെമിമയെ ഇന്ത്യ ടീമില് നിന്ന് ഒഴിവാക്കിയിരുന്നു.
കഴിഞ്ഞ ലങ്കന് പര്യടനം മുതല് കാര്യങ്ങള് എനിക്ക് അത്ര എളുപ്പമല്ല. ഉയര്ച്ച താഴ്ച്ചകളുണ്ടായി. രോഹിത് ശര്മയോടും ഋഷഭ് പന്തിനോടും ഞാന് സംസാരിച്ചു. ഈ നിമിഷങ്ങള് നിന്റെ കരിയറിനെ പാകപ്പെടുത്തിയെടുക്കും എന്നാണ് ഇരുവരും പറഞ്ഞത്, ജെമിമ പറയുന്നു.
ലോകകപ്പിന് മുന്പ് ടീമില് നിന്ന് ഒഴിവാക്കിയത് നെഗറ്റീവായി എടുക്കേണ്ടതില്ല എന്ന് രോഹിത്തും പന്തും പറഞ്ഞു. വെല്ലുവിളി ഏറ്റെടുത്ത് മുന്പോട്ട് പോകാനാണ് ഇരുവരും പറഞ്ഞത്. അവരോട് സംസാരിക്കാന് കഴിഞ്ഞത് ഭാഗ്യമാണ്. ശ്രീലങ്കയ്ക്ക് എതിരായ ട്വന്റി20 മത്സരത്തിന് ശേഷം ജെമിമ പറഞ്ഞു.
വ്യാഴാഴ്ച ശ്രീലങ്കയ്ക്കെതിരായ ആദ്യ ട്വന്റി20യില് 27 പന്തില് നിന്ന് 36 റണ്സ് ആണ് ജെമിമ അടിച്ചെടുത്തത്. ജെമിമയാണ് ഇന്ത്യയുടെ ടോപ് സ്കോറര്.
കളിയില് ഇന്ത്യ 34 റണ്സിന്റെ ജയത്തിലേക്ക് എത്തി. ആദ്യം ബാറ്റ് ചെയ്ത ഇന്ത്യ 20 ഓവറില് ആറ് വിക്കറ്റ് നഷ്ടത്തില് 139 റണ്സ് ആണ് കണ്ടെത്തിയത്. ശ്രീലങ്കയ്ക്ക് 20 ഓവറില് കണ്ടെത്താനായത് 104 റണ്സും.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ