ഫ്രാഞ്ചൈസി ക്രിക്കറ്റിലേക്ക് എത്തുമ്പോള്‍ ആരാധകരെ ഏറ്റവും കൂടുതല്‍ വിനോദിപ്പിക്കുന്ന കളിക്കാരില്‍ ഒരാളാണ് വിന്‍ഡിസ് താരം പൊള്ളാര്ഡ്. തന്റെ പവര്‍ ഹിറ്റിങ് കൊണ്ടും മീഡിയം പേസ് ബൗളിങ്ങിലൂടേയും പൊള്ളാര്ഡ് ആരാധകരെ ത്രില്ലടിപ്പിക്കുന്നു. എന്നാലിപ്പോള്‍ ഓഫ് സ്പിന്നറായാണ് പൊള്ളാര്ഡ് എത്തിയത്.
ട്രിനിഡാഡ് ടി10 ബ്ലാസ്റ്റിലാണ് പൊള്ളാര്ഡ് ഓഫ് സ്പിന്നറായത്. സ്‌കാര്‍ലെറ്റ് സ്‌കോര്‍ച്ചേഴ്‌സിന്റെ ക്യാപ്റ്റനാണ് പൊള്ളാര്ഡ്. സോക കിങ്ങിന് എതിരായ കളിയില്‍ നാലാമത്തെ ഓവറില്‍ പൊള്ളാര്ഡ് പന്ത് എറിയാന്‍ എത്തി.
സ്പിന്‍ തന്ത്രവുമായിട്ടാണ് പൊള്ളാര്ഡ് പന്ത് കയ്യിലെടുത്തത്. മുന്‍പോട്ടാഞ്ഞ് പന്ത് പ്രതിരോധിക്കാന്‍ ബാറ്റര്‍ ലിയോനാര്‍ഡോ ജൂലിയന്‍ ശ്രമിച്ചെങ്കിലും നടത്തില്ല. പന്ത് സ്റ്റംപ് ഇളക്കി. എന്നാല്‍ പൊള്ളാര്‍ഡിന്റെ സ്പിന്‍ തന്ത്രത്തിനും കിങ്‌സിനെ പിടിച്ചുകെട്ടാനായില്ല. 10 ഓവറില്‍ 150 റണ്‍സ് ആണ് അവര്‍ കണ്ടെത്തിയത്. ഡക്ക്വര്‍ത്ത് ലൂയിസ് നിയമപ്രകാരം കിങ്‌സ് 42 റണ്‍സിന്റെ ജയം പിടിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
