മൊഹാലി: ഇതിഹാസ താരം ഷെയ്ന് വോണിന് ആദരാഞ്ജലി അര്പ്പിച്ച് ഇന്ത്യ, ശ്രീലങ്ക ക്രിക്കറ്റ് താരങ്ങള്. മൊഹാലി ടെസ്റ്റിന്റെ രണ്ടാം ദിനം കറുത്ത ആംബാന്ഡ് അണിഞ്ഞാണ് ഇരുടീമിലേയും താരങ്ങള് ഗ്രൗണ്ടിലിറങ്ങിയത്.
രണ്ടാം ദിനം മത്സരം ആരംഭിക്കുന്നതിന് മുന്പ് ഒരു മിനിറ്റ് ഗ്രൗണ്ടില് മൗനം ആചരിച്ചു. വെള്ളിയാഴ്ച അന്തരിച്ച വിക്കറ്റ് കീപ്പര് ബാറ്റര് റോഡ്നി മാര്ഷിനും ആദരാഞ്ജലി അര്പ്പിക്കുകയാണ് ഇരു ടീമിലേയും താരങ്ങള്.
വോണിന്റെ അപ്രതീക്ഷിത വിയോഗ വാര്ത്ത അറിഞ്ഞതിന് പിന്നാലെ ഞെട്ടല് രേഖപ്പെടുത്തിയാണ് ക്രിക്കറ്റ് താരങ്ങള് സമൂഹമാധ്യമങ്ങളില് ഉള്പ്പെടെ എത്തിയത്. വോണിന്റെ വിയോഗ വാര്ത്ത അംഗീകരിക്കാന് കഴിയുന്നില്ലെന്നാണ് ഇന്ത്യന് മുന് ക്യാപ്റ്റന് വിരാട് കോഹ്ലി ട്വിറ്ററില് കുറിച്ചത്.
ഞെട്ടല് പങ്കുവെച്ചാണ് സച്ചിനും എത്തിയത്. വാക്കുകള് നഷ്ടമാവുന്ന നിമിഷം എന്നാണ് ബ്രയാന് ലാറ ട്വിറ്ററില് കുറിച്ചത്. എങ്ങനെ ഈ നിമിഷം നേരിടണം എന്ന് അറിയില്ല. എന്റെ സുഹൃത്ത് പോയിരിക്കുന്നു, ലാറ പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ