കോ സമുയി: ഓസ്‌ട്രേലിയന്‍ സ്പിന്നര്‍ ഷെയ്ന്‍ വോണിന്റെ മുറിയില്‍ വലിയ തോതില്‍ രക്തം കണ്ടെത്തിയതായി തായ്‌ലന്‍ഡ് പൊലീസ്. സിപിആര്‍ നല്‍കിയ സമയം വോണിന്റെ വായില്‍ നിന്നും രക്തം വരികയായിരുന്നു എന്നും റിപ്പോര്‍ട്ടുകളുണ്ട്.
എന്നാല്‍ രക്തം ഛര്‍ദ്ദിച്ചതിന്റെ കാരണം ഡോക്ടര്‍മാര്‍ക്കേ പറയാന്‍ കഴിയുകയുള്ളു എന്നും തായി പൊലീസ് വൃത്തങ്ങള്‍ വ്യക്തമാക്കി. വോണിന്റെ മൃതദേഹം പോസ്റ്റുമോര്‍ട്ടം നടപടികള്‍ക്കായി ആശുപത്രിയിലേക്ക് കൊണ്ടുപോയി.
വോണിന് ആസ്തമയും ഹൃദയ സംബന്ധമായ പ്രശ്‌നങ്ങളും
വോണിന് ആസ്തമയും ഹൃദയ സംബന്ധമായ പ്രശ്‌നങ്ങളും ഉണ്ടായിരുന്നതായും അടുത്തിയെ വോണ്‍ ഹൃദയ സംബന്ധമായ പ്രശ്‌നങ്ങള്‍ക്കായി ഡോക്ടറെ കണ്ടിരുന്നെന്നും തായ് പൊലീസ് വൃത്തങ്ങള്‍ പറയുന്നു. ഇതിനാലാണ് വോണിന്റെ മരണത്തില്‍ ദുരൂഹതയുണ്ടെന്ന ആരോപണങ്ങള്‍ തായ് പൊലീസ് തള്ളുന്നത്.
മാര്‍ച്ച് നാലിനാണ് വോണ്‍ മരിച്ചത്. വോണ്‍ മദ്യപിച്ചിരുന്നതായുള്ള വാര്‍ത്തകള്‍ അദ്ദേഹത്തിന്റെ മാനേജര്‍ തള്ളി. അത്താളം കഴിക്കാന്‍ വോണ്‍ എത്താതിരുന്നതിനെ തുടര്‍ന്ന് നോക്കിയപ്പോള്‍ വോണിനെ സുഹൃത്തുക്കള്‍ അബോധാവസ്ഥയില്‍ കാണുകയായിരുന്നു. 20 മിനിറ്റോളം വോണിന് സിപിആര്‍ നല്‍കി. 20 മിനിറ്റിന് ശേഷമാണ് ആംബുലന്‍സ് എത്തിയത് എന്നും മാനേജര്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
