മുംബൈ: വിരാട് കോഹ്‌ലിയില്‍ ക്യാപ്റ്റന്‍ സ്ഥാനം ഏറ്റെടുത്തതിന് ശേഷം നിരവധി റെക്കോര്‍ഡുകളാണ് രോഹിത് ശര്‍മയെ തേടിയെത്തുന്നത്. ആ പട്ടികയിലേക്കിതാ മറ്റൊന്നു കൂടി.
ശ്രീലങ്കക്കെതിരായ ഒന്നാം ക്രിക്കറ്റ് ടെസ്റ്റില്‍ ടെസ്റ്റ് ക്യാപ്റ്റനെന്ന നിലയില്‍ രോഹിതിന്റെ അരങ്ങേറ്റം കൂടിയായിരുന്നു. മുന്‍ നായകന്‍ കോഹ്‌ലിയുടെ നൂറാം ടെസ്റ്റ് മത്സരമെന്ന പ്രത്യേകതയും ഈ മത്സരത്തിനുണ്ടായിരുന്നു. ഒന്നാം ടെസ്റ്റില്‍ ഇന്നിങ്‌സിനും 222 റണ്‍സിനും തകര്‍പ്പന്‍ ജയമാണ് ഇന്ത്യ നേടിയത്.
ഇന്ത്യയുടെ നായകനായി അരങ്ങേറിയ ടെസ്റ്റില്‍ ഇന്നിങ്‌സ് ജയത്തോടെ തുടക്കം ഗംഭീരമാക്കാന്‍ സാധിക്കുന്ന രണ്ടാമത്തെ മാത്രം ഇന്ത്യന്‍ ക്യാപ്റ്റനായി മാറിയിരിക്കുകയാണ് രോഹിത്. നേരത്തെ പോളി ഉമ്രിഗര്‍ മാത്രമാണ് ഇത്തരമൊരു നേട്ടം സ്വന്തമാക്കിയ താരം.
1955-56 കാലത്ത് ഇന്ത്യയുടെ ടെസ്റ്റ് ക്യാപ്റ്റനായുള്ള അരങ്ങേറ്റ മത്സരം തന്നെ ഇന്നിങ്‌സ് ജയത്തോടെ ആഘോഷിക്കാന്‍ പോളി ഉമ്രിഗറിന് സാധിച്ചു. അന്ന് ന്യൂസിലന്‍ഡിനെതിരെ ഇന്നിങ്‌സിനും 27 റണ്‍സിനുമായിരുന്നു ഇന്ത്യയുടെ വിജയം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
