ടൗരംഗ: നാഴികക്കല്ലുകളില്‍ മറ്റൊന്ന് കൂടി പിന്നിട്ട് ഇന്ത്യന്‍ പേസര്‍ ജുലന് ഗോസ്വാമി. 200 ഏകദിനങ്ങള്‍ കളിക്കുന്ന ലോക ക്രിക്കറ്റിലെ രണ്ടാമത്തെ മാത്രം വനിതാ താരമായി ജുലന്. ലോകകപ്പില്‍ ഓസ്‌ട്രേലിയക്ക് എതിരെ ഇറങ്ങിയതോടെയാണ് നേട്ടം.
ഇംഗ്ലണ്ടിന് എതിരായ കഴിഞ്ഞ കളില്‍ 250ാം വിക്കറ്റ് വീഴ്ത്തിയും ജുലന് റെക്കോര്‍ഡിട്ടിരുന്നു. ലോകകപ്പില്‍ ഏറ്റവും കൂടുതല്‍ വിക്കറ്റ് വീഴ്ത്തുന്ന ബൗളറായും ജുലന് മാറിയിരുന്നു. അതിന് പിന്നാലെയാണ് ഏകദിനങ്ങളിലെ ജുലന്റെ ഇരട്ട ശതകം.
ഏറ്റവും കൂടുതല്‍ ഏകദിനങ്ങള്‍ കളിച്ചത് മിതാലി രാജ്
ജുലന് മുന്‍പ് 200 ഏകദിനങ്ങള്‍ എന്ന നേട്ടത്തിലേക്ക് എത്തിയത് ഇന്ത്യന്‍ ക്യാപ്റ്റന്‍ മിതാലി രാജാണ്. 230 ഏകദിനങ്ങളാണ് മിതാലി കളിച്ചത്. മിതാലിക്കും ജുലനും പിന്നില്‍ മൂന്നാമതായുള്ള ഇംഗ്ലണ്ട് ക്യാപ്റ്റന്‍ ഷാര്‍ലറ്റ് കളിച്ചത് 191 ഏകദിനങ്ങളും.
ഓസ്‌ട്രേലിയക്ക് എതിരായ കളിയിലേക്ക് വരുമ്പോള്‍ 278 റണ്‍സ് ആണ് ഇന്ത്യ വിജയ ലക്ഷ്യമായി മുന്‍പില്‍ വെച്ചിരിക്കുന്നത്. ആദ്യ നാല് കളിയും ജയിച്ച് ഓസ്‌ട്രേലിയ സെമിക്ക് തൊട്ടടുത്ത് എത്തിക്കഴിഞ്ഞു. ഇന്ന് ഇന്ത്യയെ തോല്‍പ്പിച്ചാല്‍ സെമിയിലേക്ക് കടക്കുന്ന ആദ്യ ടീമാവും ഓസ്‌ട്രേലിയ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
