ട്വന്റി20 ലോകകപ്പിലെ വെസ്റ്റ് ഇന്ഡീസ് സ്കോട്ട്ലാന്ഡ് മത്സരത്തിനിടെ നടന്ന ഒരു സംഭവമാണ് ഇപ്പോള് സോഷ്യല് മീഡിയയില് വൈറലാകുന്ന വിഡിയോ. മത്സരം കാണാന് എത്തിയ ഒരു കുട്ടി ബാലന്സ് നഷ്ടപ്പെട്ട് വീഴുന്നതാണ് വിഡിയോയിലുള്ളത്. ഗാലറിയില് സ്ഥാപിച്ചിരുന്ന പരസ്യ ബോര്ഡിന് മുകളിലെ കമ്പിയിലൂടെ പിടിച്ച് നടക്കുമ്പോഴാണ് കുട്ടി താഴേക്ക് വീണത്.
ഒന്നാം ഇന്നിംഗ്സില് സ്കോട്ട്ലന്ഡ് ബാറ്റ് ചെയ്യുമ്പോഴായിരുന്നു സംഭവം. കളി 14-ാം ഓവറില് എത്തിനില്ക്കുമ്പോള് മൂന്ന് വിക്കറ്റ് നഷ്ടത്തില് 107 റണ്സ് എന്ന നിലയിലായിരുന്നു സ്കോട്ട്ലന്ഡ്. ഈ സമയം വിക്കറ്റ്കീപ്പര് നിക്കോളാസ് പൂരനിലായിരുന്നു മാധ്യമങ്ങളുടെയടക്കം ശ്രദ്ധ. എന്നാല് നിമിഷനേരം കൊണ്ട് അത് കുട്ടിയിലേക്ക് തിരിഞ്ഞു. കുഞ്ഞിന് ഒന്നും സംഭവിച്ചിട്ടുണ്ടാകില്ല എന്ന പ്രതീക്ഷയോടെയാണ് വിഡിയോ കണ്ട പലരും കമന്റുകള് കുറിച്ചിരിക്കുന്നത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ