മുംബൈ: ട്വന്റി20 ലോകകപ്പില്‍ പാകിസ്ഥാനെ നേരിടാന്‍ ഇന്ത്യ ഇറങ്ങുമ്പോള്‍ ദീപാവലി ആഘോഷങ്ങളില്‍ മുഴുകുകയാണ് രാജ്യം. പാകിസ്ഥാനെ തോല്‍പ്പിച്ച് ദീപാവലി സമ്മാനമാണ് രോഹിത്തിന്റെ സംഘത്തില്‍ നിന്ന് ഇന്ത്യ പ്രതീക്ഷിക്കുന്നത്. ഈ പ്രതീക്ഷ പങ്കുവെച്ച് ഇന്ത്യന്‍ ഇതിഹാസ താരം സച്ചിന്‍ ടെണ്ടുല്‍ക്കറും എത്തുന്നു...
ഈ ധന്‍തേരസ് ദിനത്തില്‍ റണ്‍ ഒഴുകുമെന്ന് പ്രതീക്ഷിക്കാം എന്നാണ് സച്ചിന്‍ സമൂഹമാധ്യമങ്ങളില്‍ കുറിച്ചത്. ദീപാവലിക്ക് മുന്‍പുള്ള ആഘോഷമാണ് ധന്‍തേരസ്. റണ്‍ ഒഴുകുമെന്നാണ് പ്രതീക്ഷയെങ്കിലും മെല്‍ബണില്‍ മൂടിക്കെട്ടിയ അന്തരീക്ഷമാണ് എങ്കില്‍ ബൗളര്‍മാര്‍ക്ക് ലഭിക്കുന്ന സ്വിങ് അതിജീവിക്കുക എന്നത് ഇന്ത്യന്‍ ബാറ്റേഴ്‌സിന് വെല്ലുവിളി ആയിരിക്കും.
സ്പിന്നര്‍മാര്‍ക്ക് മെല്‍ബണിലെ പിച്ചില്‍ നിന്ന് വലിയ പിന്തുണ ലഭിക്കില്ല. ബൗണ്ടറികളിലേക്കുള്ള ദൂരം കൂടുതലായതിനാല്‍ മിസ് ഹിറ്റുകള്‍ തിരിച്ചടിയാവും. വിക്കറ്റിന് ഇടയിലെ ഓട്ടത്തിലൂടെ കൂടുതല്‍ റണ്‍സ് സ്‌കോര്‍ ചെയ്യുകയാവും ബാറ്റേഴ്‌സിന്റെ ലക്ഷ്യം. മെല്‍ബണില്‍ നാല് ട്വന്റി20യാണ് ഇന്ത്യ ഇതുവരെ കളിച്ചത്. അതില്‍ രണ്ടെണ്ണത്തില്‍ ജയം നേടിയപ്പോള്‍ ഒരു കളിയില്‍ തോല്‍വി നേരിട്ടു. ഒരു മത്സരം ഉപേക്ഷിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
