കൊല്‍ക്കത്ത: ഐപിഎല്ലില്‍ കൊല്‍ക്കത്ത നൈറ്റ്‌റൈഡേഴ്‌സിന് അവിശ്വസനീയ വിജയം സമ്മാനിച്ച റിങ്കു സിങിന്റെ മാരക ബാറ്റിങാണ് ഇപ്പോള്‍ ക്രിക്കറ്റ് ലോകത്തെ ചര്‍ച്ചാ വിഷയം. അതിനിടെ ശ്രദ്ധേയമാകുകയാണ് ഈ മത്സരത്തിന് ദിവസങ്ങള്‍ക്ക് മുന്‍പ് ഇന്‍സ്റ്റഗ്രാമിലെ ഒരു ചാറ്റ്.
ഗുജറാത്ത് ടൈറ്റന്‍സിനെ തകര്‍ത്ത് ഒരോവറില്‍ അഞ്ച് സിക്‌സുകള്‍ പറത്തി റിങ്കി കൊല്‍ക്കത്തയ്ക്ക് അമ്പരപ്പിക്കുന്ന വിജയം സമ്മാനിക്കുമ്പോള്‍ പന്തെറിഞ്ഞ ഹതഭാഗ്യന്‍ യഷ് ദയാലായിരുന്നു. റിങ്കു സിങും താരവും തമ്മിലുള്ള ചാറ്റാണ് ഇപ്പോള്‍ സാമൂഹിക മാധ്യമങ്ങളില്‍ വൈറലായി മാറിയത്. റോയല്‍ ചലഞ്ചേഴ്‌സ് ബാംഗ്ലൂരിനെതിരെ കൊല്‍ക്കത്ത നേടിയ വിജയത്തിന് പിന്നാലെയായിരുന്നു ചാറ്റ്.
'അവിസ്മരണീയ വിജയം. ഈ വിജയത്തില്‍ ടീമിന്റെ ആരധകരെയെല്ലാം പ്രത്യേകം പരാമര്‍ശിക്കുന്നു'- റിങ്കു കുറിച്ചു.
ഇതിന് തൊട്ടുതാഴെയാണ് യഷ് ദയാല്‍ മറുപടി നല്‍കുന്നത്. അതിങ്ങനെയായിരുന്നു.
'വലിയ കളിക്കാരനാണ് സഹോദര താങ്കള്‍'- എന്നായിരുന്നു യഷ് ദയാലിന്റെ കമന്റ്. പിന്നാലെ 'ദയാല്‍ ഭായ്'- എന്നു വിളിച്ച് റിങ്കു യഷിന് മറുപടിയും നല്‍കുന്നുണ്ട്. ഇതിന്റെ സ്‌ക്രീന്‍ ഷോട്ടാണ് ഇപ്പോള്‍ വൈറലായി മാറിയത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
