പരിക്കേറ്റ് ലുൻ​ഗി എൻ​ഗിഡി പുറത്ത്; ഇന്ത്യക്കെതിരെ കളിക്കില്ല, ദക്ഷിണാഫ്രിക്കയ്ക്ക് കനത്ത തിരിച്ചടി

ഡർബൻ: ഇന്ത്യക്കെതിരായ ടി20 പരമ്പര നാളെ തുടങ്ങാനിരിക്കെ ​ദക്ഷിണാഫ്രിക്കയ്ക്ക് കനത്ത തിരിച്ചടി. ടീമിലെ സുപ്രധാന പേസർ ലുൻ​ഗി എൻ​ഗിഡിക് പരിക്കേറ്റ് പുറത്തായി. താരത്തിന്റെ കണങ്കാലിനാണ് പരിക്കേറ്റത്. മൂന്ന് മത്സരങ്ങളടങ്ങിയ ടി20 പരമ്പരയിൽ എൻ​ഗിഡി കളിക്കില്ലെന്നു ക്രിക്കറ്റ് സൗത്ത് ആഫ്രിക്ക വ്യക്തമാക്കി. 

എൻ​ഗിഡിയുടെ പകരക്കാരനായി ബ്യൂറൻ ഹെൻ‍ഡ്രിക്സ് ടീമിൽ ഇടം കണ്ടു. നാളെ ഡർബനിലാണ് പരമ്പരയിലെ ആദ്യ മത്സരം. സൂര്യകുമാർ യാ​ദവാണ് ഇന്ത്യയെ നയിക്കുന്നത്. ഓസ്ട്രേലിയക്കെതിരായ ടി20 പരമ്പര ജയിച്ചതിന്റെ ആത്മവിശ്വാസത്തിലാണ് ഇന്ത്യ. ഈ മാസം 12, 14 തീയതികളിലാണ് ശേഷിക്കുന്ന രണ്ട് ടി20 മത്സരങ്ങൾ.

മൂന്ന് മത്സരങ്ങളടങ്ങിയ ടി20 പരമ്പരയ്ക്ക് പുറമെ ടെസ്റ്റ്, ഏകദിന പരമ്പരകളും ഇന്ത്യ കളിക്കുന്നുണ്ട്. കെഎൽ രാഹുലാണ് ഏകദിന ടീം ക്യാപ്റ്റൻ. ഏകദിന ടീമിൽ മലയാളി താരം സഞ്ജു സാംസണുമുണ്ട്. ഈ മാസം 17, 19, 21 തീയതികളിലാണ് മൂന്ന് മത്സരങ്ങളടങ്ങിയ പരമ്പര. രണ്ട് മത്സരങ്ങളാണ് ടെസ്റ്റിലുള്ളത്. ഈ മാസം 26 മുതൽ ആദ്യ ടെസ്റ്റും ജനുവരി മൂന്ന് മുതൽ രണ്ടാം ടെസ്റ്റും അരങ്ങേറും. 

ഈ വാർത്ത കൂടി വായിക്കൂ 

രക്ഷിച്ചെടുത്ത് ​ഗ്ലെൻ ഫിലിപ്സും സാന്റ്നറും; ബംഗ്ലാദേശിനെതിരെ ജയം, ടെസ്റ്റ് പരമ്പര സമനിലയില്‍ എത്തിച്ച് കിവികള്‍

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ