ഭുവനേശ്വർ: ഇന്റർ കോണ്ടിനന്റൽ കപ്പ് ഫുട്ബോൾ പോരാട്ടത്തിന്റെ ഫൈനൽ ലക്ഷ്യമിട്ടു ഇന്ത്യ. ഇന്ന് വനൗതുവാണ് ഇന്ത്യയുടെ എതിരാളികൾ. ഫിഫ റാങ്കിങിൽ 164ാം സ്ഥാനത്തുള്ള രാജ്യമാണ് വനൗതു. ഇന്ന് വിജയിച്ചാൽ ഇന്ത്യ ഫൈനലുറപ്പിക്കും. കലിംഗ സ്റ്റേഡിയത്തിൽ ഇന്നു രാത്രി 7.30നാണ് കിക്കോഫ്.
ഇന്ത്യ ആദ്യ മത്സരത്തിൽ മംഗോളിയയെ വീഴ്ത്തിയിരുന്നു. മറുപടിയില്ലാത്ത രണ്ട് ഗോളുകൾക്കായിരുന്നു ഇന്ത്യയുടെ ജയം. മലയാളി താരം സഹൽ അബ്ദുൽ സമദ്, ലാലിയൻസുവാല ചങ്തെ എന്നിവരാണ് ഗോൾ നേടിയത്.
ഇന്ന് നടക്കുന്ന മറ്റൊരു മത്സരത്തിൽ ലെബനാൻ, മംഗോളിയയെ നേരിടും. ആദ്യ മത്സരത്തിൽ വനൗതുവിനെ പരാജയപ്പെടുത്തിയാണ് ലെബനാൻ മംഗോളിയയെ നേരിടാനിറങ്ങുന്നത്.
കോച്ച് ഇഗോർ സ്റ്റിമാചിന്റെ കീഴിൽ തുടർച്ചയായി ആറ് മത്സരങ്ങൾ വിജയിച്ചാണ് ഇന്ത്യ നിൽക്കുന്നത്. വരാനിരിക്കുന്ന സാഫ് ഫുട്ബോളിൽ മികച്ച പ്രകടനം പുറത്തെടുക്കാനുള്ള ആത്മവിശ്വാസം ഇന്റർകോണ്ടിനന്റൽ പോരാട്ടത്തിലൂടെ സ്വന്തമാക്കുകയാണ് ഇന്ത്യൻ ലക്ഷ്യം. ഈ മാസം 21 മുതൽ ജൂലൈ നാല് വരെ ബംഗളൂരുവിലാണ് സാഫ് പോരാട്ടം.
ഈ വാർത്ത കൂടി വായിക്കൂ
'ഐപിഎല്ലിലെ കോടികള്‍ അല്ല, ഓസ്‌ട്രേലിയക്കായി ടെസ്റ്റ് കളിക്കുന്നതാണ് ഏറ്റവും ഇഷ്ടം'- മിച്ചല്‍ സ്റ്റാര്‍ക്ക്
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
