കമ്മിന്സ് ഇല്ല; ഏകദിനത്തിലും ഓസ്ട്രേലിയയെ സ്മിത്ത് നയിക്കും
സിഡ്നി: ഇന്ത്യക്കെതിരായ ഏകദിന പരമ്പരയ്ക്കുള്ള ഓസ്ട്രേലിയന് ടീമിനെ സ്റ്റീവ് സ്മിത്ത് തന്നെ നയിക്കും. ക്യാപ്റ്റന് പാറ്റ് കമ്മിന്സ് ഇന്ത്യയിലേക്ക് ഉടന് എത്തില്ലെന്ന സാഹചര്യത്തിലാണ് സ്മിത്ത് പരിമിത ഓവറിലും ടീമിനെ നയിക്കാന് നിയോഗിക്കപ്പെടുന്നത്.
പാറ്റ് കമ്മിന്സ് ഏകദിനത്തിനുണ്ടാകില്ലെന്ന് ഓസ്ട്രേലിയന് പരിശീലകന് ആന്ഡ്രു മക്ക്ഡൊണാള്ഡ് സ്ഥിരീകരിച്ചു. കമ്മിന്സിന്റെ അമ്മ ഈയടുത്ത ദിവസമാണ് മരിച്ചത്. ഈ സാഹചര്യത്തിലാണ് താരം കുടുംബത്തിനൊപ്പം ഓസ്ട്രേലിയയില് തന്നെ തുടരാന് തീരുമാനിച്ചത്.
ഈ മാസം 17 മുതലാണ് ഏകദിന പരമ്പരയിലെ പോരാട്ടങ്ങള്. മൂന്ന് മത്സരങ്ങളാണ് പരമ്പരയിലുള്ളത്. 17ന് ആദ്യ മത്സരം വാംഖഡെ സ്റ്റേഡിയത്തിലും രണ്ടാം പോരാട്ടം 19ന് വിശാഖ പട്ടണത്തും മൂന്നാം പോരാട്ടം 22ന് ചെന്നൈ ചിദംബരം സ്റ്റേഡിയത്തിലും അരങ്ങേറും.
ടെസ്റ്റിനിടെ പരിക്കേറ്റ് പുറത്തായ ഓപ്പണര് ഡേവിഡ് വാര്ണര് ഫിറ്റ്നസ് വീണ്ടെടുത്ത് ടീമില് തിരിച്ചെത്തി. മിച്ചല് മാര്ഷും ടീമിലെത്തി. പരിക്കേറ്റ് പുറത്തായ ജെ റിച്ചാര്ഡ്സന് പകരം നതാന് എല്ലിസ് ടീമില് ഇടംപിടിച്ചു.
ഓസ്ട്രേലിയന് ടീം: സ്റ്റീവ് സ്മിത്ത് (ക്യാപ്റ്റന്), സീന് അബോട്ട്, ആഷ്ടന് ആഗര്, അലക്സ് കാരി, നതാന് എല്ലിസ്, കാമറൂണ് ഗ്രീന്, ട്രാവിസ് ഹെഡ്ഡ്, ജോഷ് ഇംഗ്ലിസ്, മര്നസ് ലബുഷെയ്ന്, മിച്ചല് മാര്ഷ്, ഗ്ലെന് മാക്സ്വെല്, മിച്ചല് സ്റ്റാര്ക്ക്, മാര്ക്കസ് സ്റ്റേയിനിസ്, ഡേവിഡ് വാര്ണര്, ആദം സാംപ.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ