ചെന്നൈ: ഐപിഎല്‍ 16ാം സീസണിന് തുടക്കമാകാനിരിക്കെ ചെന്നൈ സൂപ്പര്‍ കിങ്‌സ് നായകന്‍ മഹേന്ദ്ര സിങ് ധോനിയുടെ വീഡിയോ വൈറല്‍. സീസണിലേക്കുള്ള ഒരുക്കങ്ങളുടെ ഭാഗമായി ചെന്നൈ സൂപ്പര്‍ കിങ്‌സിന്റെ ഹോം ഗ്രൗണ്ടായ ചെപ്പോക്കിലെ ചിദംബരം സ്‌റ്റേഡിയത്തില്‍ അവസാന വട്ട മിനുക്കു പണികള്‍ നടക്കുകയാണ്. ഈ സമയത്തെ ധോനിയുടെ പ്രവൃത്തിയാണ് വൈറലായത്.
കൈയില്‍ ഒരു സ്പ്രേ പെയിന്റും പിടിച്ച് ധോനി സ്റ്റേഡിയത്തിലെ ഇരിപ്പിടങ്ങള്‍ക്ക് മഞ്ഞ, നീല പെയിന്റുകള്‍ അടിക്കുന്നതാണ് വീഡിയോ. ചെന്നൈ സൂപ്പര്‍ കിങ്‌സ് തങ്ങളുടെ ഔദ്യോഗിക ട്വിറ്റര്‍ പേജില്‍ ഈ വീഡിയോ പങ്കിട്ടു. ആരാധകര്‍ ഏറ്റെടുക്കുകയും ചെയ്തു.
2019ന് ശേഷം ആദ്യമായാണ് സ്റ്റേഡിയം വീണ്ടും ചെന്നൈ സൂപ്പര്‍ കിങ്‌സിന്റെ ഹോം ഗ്രൗണ്ടായി മാറുന്നത്. കഴിഞ്ഞ മൂന്ന് സീസണിലും ഇന്ത്യക്ക് പുറത്തായിരുന്നു ഐപിഎല്‍ പോരാട്ടങ്ങള്‍. കോവിഡ് സാഹചര്യമടക്കമുള്ള കാരണങ്ങളാലായിരുന്നു വേദി മാറ്റം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
