പരിക്കേറ്റ് ബംഗ്ലാദേശ് നായകന്‍ പുറത്ത്; ഓസ്‌ട്രേലിയക്കെതിരെ ഷാകിബ് കളിക്കില്ല

പുനെ: ലോകകപ്പില്‍ അവസാന പോരാട്ടത്തിനിറങ്ങുന്ന ബംഗ്ലാദേശിന് വന്‍ തിരിച്ചടി. ഓസ്‌ട്രേലിയക്കെതിരായ അവരുടെ അവസാന പോരാട്ടത്തില്‍ നായകന്‍ ഷാകിബ് അല്‍ ഹസന്‍ കളിക്കില്ല. കൈ വിരലിനു പരിക്കേറ്റതാണ് താരത്തിനു തിരിച്ചടിയായത്. 

ലോകകപ്പില്‍ ഇനി സാധ്യതകള്‍ ഇല്ലെങ്കിലും ചാമ്പ്യന്‍സ് ട്രോഫി യോഗ്യത അടക്കമുള്ളവ ഫലത്തില്‍ നിര്‍ണായകമാണ്. ശ്രീലങ്കക്കെതിരായ പോരാട്ടത്തിനിടെയാണ് നായകന് പരിക്കേറ്റത്. മത്സരത്തില്‍ ബംഗ്ലാദേശിനെ ജയിപ്പിക്കുന്നതില്‍ ഷാകിബ് നിര്‍ണായക സാന്നിധ്യമായിരുന്നു. 

മത്സര ശേഷം നടത്തിയ എക്‌സ്‌റേ പരിശോധനയിലാണ് ഷാകിബിന്റെ വിരലുകള്‍ക്ക് പൊട്ടലുണ്ടെന്നു കണ്ടത്. താരത്തിനു രണ്ട്, മൂന്ന് ആഴ്ച വിശ്രമം വേണമെന്നാണ് ഡോക്ടര്‍മാരുടെ നിര്‍ദ്ദേശം.

മത്സരത്തില്‍ 65 പന്തില്‍ 12 ഫോറും രണ്ട് സിക്‌സും സഹിതം ഷാകിബ് 82 റണ്‍സെടുത്തിരുന്നു. രണ്ട് വിക്കറ്റുകളും താരം നേടി. മിന്നും ഫോമിലുള്ള നായകന്റെ അഭാവം ബംഗ്ലാദേശിന്റെ പ്രകടനത്തെ ബാധിക്കും. 

ഈ വാര്‍ത്ത കൂടി വായിക്കൂ 

'ദേ പോയി... ദാ വന്നു'- കോടതി ഇടപെട്ടു, പുറത്താക്കിയ ശ്രീലങ്കന്‍ ക്രിക്കറ്റ് ബോര്‍ഡ് പുനഃസ്ഥാപിച്ചു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ