അഹമ്മദാബാദ്: ദക്ഷിണാഫ്രിക്കക്കെതിരായ ലോകകപ്പ് പോരാട്ടത്തില് അഫ്ഗാനിസ്ഥാനു മൂന്ന് വിക്കറ്റുകള് നഷ്ടം. മികച്ച തുടക്കമിട്ടതിനു പിന്നാലെ നാല് റണ്സ് ചേര്ക്കുന്നതിനിടെ അവര്ക്ക് മൂന്ന് വിക്കറ്റുകള് തുടരെ നഷ്ടമായി. നിലവില് അവര് മൂന്ന് വിക്കറ്റ് നഷ്ടത്തില് 84 റണ്സെന്ന നിലയില് പൊരുതുന്നു.
എട്ടോവറില് വിക്കറ്റ് നഷ്ടമില്ലാതെ 41 റണ്സെന്ന നിലയിലായിരുന്നു അഫ്ഗാനിസ്ഥാന്. പിന്നാലെ ഓപ്പണര് റഹ്മാനുല്ല ഗുര്ബാസ് ആണ് ആദ്യം പുറത്തായത്. താരം 22 പന്തില് മൂന്ന് ഫോറും ഒരു സിക്സും സഹിതം 25 റണ്സെടുത്ത് മടങ്ങി. 41ല് തന്നെ അഫ്ഗാന് രണ്ടാം ഓപ്പണറേയും നഷ്ടം. കഴിഞ്ഞ കളിയില് സെഞ്ച്വറി നേടിയ ഇബ്രാഹിം സാദ്രാന് ആണ് മടങ്ങിയത്. താരം 15 റണ്സെടുത്തു.
മൂന്നാമതിറങ്ങിയ റഹ്മത് ഷാ 20 റൺസുമായി ഒരറ്റത്ത് നില്ക്കുന്നു. അതിനിടെ നാലാമനായി എത്തിയ ക്യാപ്റ്റന് ഹഷ്മതുല്ല ഷാഹിദി രണ്ട് റണ്ണില് പുറത്തായി. നിലവില് 19 റണ്ണുമായി അസ്തുല്ല ഒമര്സായ് ആണ് റഹ്മത് ഷായ്ക്കൊപ്പം ക്രീസില്.
ദക്ഷിണാഫ്രിക്കക്കായി കേശവ് മഹാരാജ് രണ്ട് വിക്കറ്റുകള് വീഴ്ത്തി. ഒരു വിക്കറ്റ് ജെറാള്ഡ് കോറ്റ്സിക്ക്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
