പാക് ഓള്‍റൗണ്ടര്‍, ഇമദ് വാസിം അന്താരാഷ്ട്ര ക്രിക്കറ്റ് മതിയാക്കി

ഇസ്ലാമബാദ്: പാകിസ്ഥാന്‍ ഓള്‍റൗണ്ടര്‍ ഇമദ് വാസിം അന്താരാഷ്ട്ര ക്രിക്കറ്റില്‍ നിന്നു വിരമിച്ചു. എക്‌സ് പേജിലിട്ട കുറിപ്പിലൂടെയാണ് താരം വിരമിക്കുന്നതായി പ്രഖ്യാപിച്ചത്. 34കാരനായ താരം ഇടം കൈയന്‍ ഓര്‍ത്തഡോക്‌സ് സ്പിന്നറും ഇംടം കൈയന്‍ ബാറ്ററുമാണ്. 

ഇത്തവണത്തെ ലോകകപ്പ് ടീമില്‍ താരത്തിനു ഇടം ലഭിച്ചിരുന്നില്ല. 2019ലെ ഏകദിന, 2016, 21 വര്‍ഷങ്ങളിലെ ടി20 ലോകകപ്പുകള്‍ പാകിസ്ഥാനായി കളിച്ചു. 2017ല്‍ ചാമ്പ്യന്‍സ് ട്രോഫി വിജയിച്ച പാക് ടീമില്‍ അംഗമായിരുന്ന ഇമദ് വാസിം 2008ല്‍ അണ്ടര്‍ 19 ലോകകപ്പില്‍ പാകിസ്ഥാന്‍ ക്യാപ്റ്റനുമായിരുന്നു. 

2015ലാണ് താരം പാകിസ്ഥാനു വേണ്ടി ഏകദിന, ടി20 ഫോര്‍മാറ്റുകളില്‍ അരങ്ങേറിയത്. ടെസ്റ്റ് ടീമില്‍ കളിച്ചിട്ടില്ല. അന്താരാഷ്ട്ര ക്രിക്കറ്റില്‍ നിന്നു വിരമിച്ചെങ്കിലും താരം ലോകത്തെ വിവിധ ടി20 ലീഗുകളില്‍ തുടര്‍ന്നും കളിക്കും. 

55 ഏകദിനങ്ങളില്‍ നിന്നു 986 റണ്‍സ്. 44 വിക്കറ്റുകള്‍. 66 ടി20 മത്സരങ്ങളില്‍ നിന്നു 65 വിക്കറ്റുകള്‍. 486 റണ്‍സും എടുത്തു. 2020ല്‍ സിംബാബ്‌വെക്കെതിരെയാണ് അവസാന അന്താരാഷ്ട്ര ഏകദിനം. ഈ വര്‍ഷം ആദ്യം ന്യൂസിലന്‍ഡിനെതിരെയായിരുന്നു അവസാനമായി പാക് ടീമിനായി താരം ടി20 കളിച്ചത്.

ഈ വാര്‍ത്ത കൂടി വായിക്കൂ 

ആരാധകരുടെ കൈയാങ്കളി; അര്‍ജന്റീന, ബ്രസീല്‍ ടീമുകൾക്ക് നേരെ അച്ചടക്ക വാൾ ഉയർത്തി ഫിഫ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ