ന്യൂഡല്‍ഹി: അരുണ്‍ ജെയ്റ്റ്‌ലി സ്‌റ്റേഡിയത്തില്‍ ഓസീസ് ഷോയായിരുന്നു ഇന്നലെ. ഡേവിഡ് വാര്‍ണറുടെ തുടര്‍ ശതകവും പിന്നാലെ വെറും 40 പന്തില്‍ സെഞ്ച്വറിയടിച്ച് റെക്കോര്‍ഡിട്ട ഗ്ലെന്‍ മാക്‌സ്‌വെല്ലിന്റേയും വെടിക്കെട്ട് ബലത്തില്‍ അവര്‍ ബോര്‍ഡില്‍ ചേര്‍ത്തത് 399 റണ്‍സ്. നെതര്‍ലന്‍ഡ്‌സിന്റെ പോരാട്ടം വെറും 90 റണ്‍സില്‍ അവസാനിപ്പിച്ച് അവര്‍ നേടിയത് 309 റണ്‍സിന്റെ കൂറ്റന്‍ ജയം.
ലോകകപ്പില്‍ ഒരു ടീം സ്വന്തമാക്കുന്ന ഏറ്റവും ഉയര്‍ന്ന റണ്‍സ് മാര്‍ജിന്‍ ജയമെന്ന റെക്കോര്‍ഡാണ് ന്യൂഡല്‍ഹിയില്‍ ഓസ്‌ട്രേലിയ തിരുത്തിയത്. സ്വന്തം റെക്കോര്‍ഡ് തന്നെയാണ് ഓസ്‌ട്രേലിയ മാറ്റിയെഴുതിയതെന്ന പ്രത്യേകതയും ഇതിനുണ്ട്. എട്ട് വര്‍ഷം പഴക്കമുള്ള, സ്വന്തം നാട്ടില്‍ സ്ഥാപിച്ച റെക്കോര്‍ഡാണ് ഓസീസ് തിരുത്തിയത്.
2015ലെ ലോകകപ്പില്‍ അഫ്ഗാനിസ്ഥാനെതിരെ അവര്‍ നേടിയ 275 റണ്‍സ് മാര്‍ജിനിലുള്ള വിജയമാണ് എട്ട് വര്‍ഷങ്ങള്‍ക്ക് ശേഷം വഴി മാറിയത്. ഇന്ത്യയോടും ദക്ഷിണാഫ്രിക്കയോടും ഞെട്ടിക്കുന്ന തോല്‍വി ഏറ്റുവാങ്ങി തുടങ്ങിയ ഓസ്‌ട്രേലിയ ലോകകപ്പില്‍ തുടരെ മൂന്ന് വിജയങ്ങള്‍ സ്വന്തമാക്കി സെമി പ്രതീക്ഷയിലാണ്.
ലോകകപ്പിലെ മികച്ച വിജയങ്ങള്‍ (റണ്‍സ് അടിസ്ഥാനം)
ഓസ്‌ട്രേലിയ- നെതര്‍ലന്‍ഡ്‌സ്: 309 റണ്‍സ്
ഓസ്‌ട്രേലിയ- അഫ്ഗാനസിഥാന്‍: 275 റണ്‍സ്
ഇന്ത്യ- ബെര്‍മുഡ: 257 റണ്‍സ്
ദക്ഷിണാഫ്രിക്ക- വെസ്റ്റ് ഇന്‍ഡീസ്: 257 റണ്‍സ്
ഓസ്‌ട്രേലിയ- നമീബിയ: 256 റണ്‍സ്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
