ലണ്ടന്: ഇംഗ്ലീഷ് പ്രീമിയര് ലീഗില് ചാംപ്യന്മാരായ മാഞ്ചസ്റ്റര് സിറ്റിയുടെ നിലവിലെ അവസ്ഥ കണ്ട് അമ്പരന്ന് നില്ക്കുന്ന ആരാധകര്ക്ക് ആശ്വസിക്കാന് ഒന്നും ഇല്ല. അവര് ഇന്ന് വീണ്ടും തോറ്റു. ഉനായ് എംറിയുടെ അസ്റ്റന് വില്ലയാണ് ഇത്തവണ അവരെ വീഴ്ത്തിയത്. എവേ പോരാട്ടത്തില് പെപ് ഗ്വാര്ഡിയോളയും സംഘവും 2-1നാണ് പരാജയപ്പെട്ടത്.
കഴിഞ്ഞ കളിയില് മാഞ്ചസ്റ്റര് നാട്ടങ്കത്തില് യുനൈറ്റഡിനോടു പരാജയപ്പെട്ടാണ് സിറ്റി എവേ പോരിനിറങ്ങിയത്. പക്ഷേ സന്തോഷിക്കാന് ഒന്നുമില്ല.
ഇരു പകുതികളിലായ വില്ല ഗോളുകള് നേടി. അവസാന ഘട്ടത്തില് ഒരു ഗോള് മടക്കി ആശ്വാസം കൊള്ളാന് മാത്രമാണ് ഇന്നത്തെ പോരില് സിറ്റിക്ക് സാധിച്ചത്.
16ാം മിനിറ്റില് ജോണ് ഡ്യുറനാണ് വില്ലയ്ക്ക് ലീഡ് സമ്മാനിച്ചത്. 65ാം മിനിറ്റില് മോര്ഗന് റോജേഴ്സ് രണ്ടാം ഗോളും നേടി. സിറ്റിയുടെ ആശ്വാസ ഗോള് ഇഞ്ച്വറി സമയത്ത് ഫില് ഫോഡല് വലയിലാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
