അപരാജിതം കേരളം; സന്തോഷ് ട്രോഫിയില്‍ തമിഴ്‌നാടിനെ സമനിലയില്‍ പിടിച്ചു
ഹൈദരാബാദ്: സന്തോഷ് ട്രോഫി ഫുട്‌ബോള്‍ പോരാട്ടത്തില്‍ കേരളത്തിനു സമനില. തമിഴ്‌നാടുമായി കേരളം 1-1നു സമനിലയില്‍ പിരിഞ്ഞു. ഫൈനല്‍ റൗണ്ടില്‍ തുടരെ മൂന്ന് ജയങ്ങളുമായി കേരളം നേരത്തെ ക്വാര്‍ട്ടര്‍ ഉറപ്പിച്ചിരുന്നു. അപരാജിതരായാണ് കേരളത്തിന്റെ മുന്നേറ്റം.
മത്സരത്തില്‍ തമിഴ്‌നാടാണ് ആദ്യം ലീഡെടുത്തത്. ജേസുരാജാണ് അവര്‍ക്ക് ഗോള്‍ സമ്മാനിച്ചത്. 25ാം മിനിറ്റിലാണ് തമിഴ്നാട് സമനില ഗോൾ നേടിയത്.
രണ്ടാം പകുതിയില്‍ നടത്ത മികച്ച സബ്സ്റ്റിറ്റിയൂഷനാണ് കളിയില്‍ കേരളത്തിനു തിരിച്ചു വരവിനു അവസരമൊരുക്കിയത്. മുഹമ്മദ് അസ്‌ലം നല്‍കിയ ക്രോസില്‍ നിന്നു നിജോ ഗില്‍ബര്‍ട്ട് കേരളത്തിനു സമനില ഗോള്‍ സമ്മാനിച്ചു. പകരക്കാരനായി എത്തിയ നിജോ കളിയുടെ അവസാന ഘട്ടത്തിലാണ് കേരളത്തിനു സമനില സമ്മാനിച്ചത്. താരത്തിന്റെ ഗോൾ 89ാം മിനിറ്റിലായിരുന്നു.
ഇതോടെ കേരളത്തിന്റെ ഗ്രൂപ്പ് പോരാട്ടങ്ങള്‍ അവസാനിച്ചു. ഈ മാസം 27ന് നടക്കുന്ന ക്വാര്‍ട്ടറില്‍ ജമ്മു കശ്മീരാണ് കേരളത്തിന്റെ എതിരാളികള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
