ന്യൂഡല്‍ഹി: ഇന്ത്യന്‍ പ്രീമിയര്‍ ലീഗ് (ഐപിഎല്‍) 2025 സീസണ്‍ മെഗാ ലേലം ഈ മാസം അവസാനം സൗദി അറേബ്യയിലെ റിയാദില്‍ നടക്കുമെന്ന് റിപ്പോര്‍ട്ടുകള്‍. നിലവില്‍ ഐപിഎല്ലിലെ പത്ത് ടീമുകളും നിലനിര്‍ത്തിയ കളിക്കാരുടെ ലിസ്റ്റ് പുറത്തുവിട്ടിട്ടുണ്ട്. തങ്ങളുടെ സൂപ്പര്‍ താരങ്ങളെ മാത്രം ടീമുകള്‍ നിലനിര്‍ത്തിയപ്പോള്‍ ടീമുകളിലെ മുഴുവന്‍ താരങ്ങളും ആരൊക്കെ എന്നറിയാന്‍ ഇനി മെഗാ ലേലത്തിനായുള്ള കാത്തിരിപ്പിലാണ് ക്രിക്കറ്റ് ആരാധകര്‍.
2025 സീസണിനായി ഐപിഎല്‍ ലേലം നവംബര്‍ 24,25 തീയതികളില്‍ റിയാദില്‍ നടക്കുമെന്നാണ് ബന്ധപ്പെട്ട വൃത്തങ്ങളെ ഉദ്ധരിച്ചുള്ള റിപ്പോര്‍ട്ടുകള്‍ പറയുന്നത്. 558.5 കോടി രൂപ നിക്ഷേപിച്ചപ്പോള്‍ ടീമുകള്‍ ആകെ 46 കളിക്കാരെ നിലനിര്‍ത്തി. എല്ലാ ഫ്രാഞ്ചൈസികളിലുമായി ആകെ നിലനിര്‍ത്തിയ 46 കളിക്കാരില്‍ 36 പേരും ഇന്ത്യക്കാരാണ്. ഇവരില്‍ 10 കളിക്കാര്‍ അണ്‍ക്യാപ്ഡ് ഇന്ത്യന്‍ താരങ്ങളാണ്.
ഐപിഎല്‍ ജേതാവായ നായകന്‍ ശ്രേയസ് അയ്യര്‍ കൊല്‍ക്കത്ത നൈറ്റ് റൈഡേഴ്സില്‍ (കെകെആര്‍), ഡല്‍ഹി ക്യാപിറ്റല്‍സില്‍ (ഡിസി) ഋഷഭ് പന്ത്, ലഖ്നൗ സൂപ്പര്‍ ജയന്റ്സില്‍ നിന്ന് കെ എല്‍ രാഹുല്‍ എന്നിവരെ റിലീസ് ചെയ്തതോടെ മൂന്ന് ടീമുകളില്‍ ഇനി നായക പദവിയിലെത്തുന്നത് ആരാകുമെന്ന കാത്തിരിപ്പിലാണ് ആരാധകര്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
