പഹൽ​ഗാം ഭീകരാക്രമണം; ഇന്ത്യയിലെ പാകിസ്ഥാൻ സൂപ്പർ ലീ​ഗ് സംപ്രേഷണം നിർ‌ത്തി

ന്യൂഡൽഹി: പഹൽ​ഗാം ഭീകരാക്രമണത്തിനു പിന്നാലെ പാകിസ്ഥാനെതിരെ കടുത്ത നടപടികളുമായി ഇന്ത്യ മുന്നോട്ടു പോകുകയാണ്. ഇപ്പോൾ ഇന്ത്യയിലെ പാകിസ്ഥാൻ സൂപ്പർ ലീ​ഗ് ക്രിക്കറ്റ് പോരാട്ടത്തിന്റെ സംപ്രേഷണം നിർത്തി. ടൂർണമെന്റിലെ ഇനിയുള്ള മത്സരങ്ങൾ സ്ട്രീമിങ് പ്ലാറ്റ്ഫോമായ ഫാൻകോ‍ഡിൽ സംപ്രേഷണം ചെയ്യില്ല എന്നാണ് പുറത്തു വരുന്ന റിപ്പോർട്ടുകൾ. എന്നാൽ നിർത്തിയതുമായി ബന്ധപ്പെട്ടു ഔദ്യോ​ഗിക പ്രതികരണമൊന്നും വന്നിട്ടില്ല.

പാകിസ്ഥാൻ സൂപ്പർ ലീ​ഗുമായി ബന്ധപ്പെട്ട എല്ലാത്തരത്തിലുമുള്ള ഉള്ളടക്കങ്ങളും ഫാൻകോഡിൽ നിന്നു നീക്കം ചെയ്തിട്ടുണ്ട്. നിലവിൽ പിഎസ്എല്ലിലെ 13 മത്സരങ്ങൾ ആപ്പിൽ സംപ്രേഷണം ചെയ്തിട്ടുണ്ട്. ഇനിയുള്ള മത്സരങ്ങൾ സംപ്രേഷണം ചെയ്യേണ്ടതില്ലെന്ന റിപ്പോർട്ടുകളാണ് വരുന്നത്. ഏപ്രിൽ 11നു ആരംഭിച്ച ടൂർണമെന്റ് മെയ് 18നു അവസാനിക്കും.

'എന്തൊരു സത്യസന്ധത!'; 'ഇല്ലാത്ത ഔട്ടി'ൽ മടങ്ങിയ ഇഷാൻ കിഷനെ പരിഹസിച്ച് സെവാ​ഗ് (വിഡിയോ)

വർഷങ്ങളായി ഇന്ത്യ പാക് മണ്ണിൽ ക്രിക്കറ്റ് കളിക്കുന്നില്ല. പുതിയ സാഹചര്യത്തിൽ നിലവിൽ ഐസിസി ടൂർണമെന്റുകളിൽ മാത്രം കളിക്കുന്ന രീതിയും അവസാനിച്ചേക്കുമെന്ന സൂചനകളും സജീവമായുണ്ട്. ഇരു ടീമുകളും ഐസിസി പോരാട്ടങ്ങളിൽ നിഷ്പക്ഷ വേദിയിലാണ് ഏറ്റുമുട്ടുന്നത്.