ബഹാമയെ അനായാസം വീഴ്ത്തി; കാനഡ ടി20 ലോകകപ്പിന്

കിങ് സിറ്റി: അടുത്ത വര്‍ഷം അരങ്ങേറുന്ന ടി20 ലോകകപ്പിന് യോഗ്യത സ്വന്തമാക്കി കാനഡ. ഏഴ് വിക്കറ്റിനു ബഹാമാസിനെ വീഴ്ത്തിയാണ് കാനഡ യോഗ്യത സ്വന്തമാക്കിയത്. അമേരിക്കന്‍ യോഗ്യതാ പോരാട്ടത്തില്‍ തുടരെ അഞ്ചാം വിജയമാണ് കാനഡ സ്വന്തമാക്കിയത്. അടുത്ത വര്‍ഷം ഇന്ത്യയിലും ശ്രീലങ്കയിലുമായാണ് ടി20 ലോകകപ്പ്. ടൂര്‍ണമെന്റില്‍ യോഗ്യത ഉറപ്പിക്കുന്ന 13ാം രാജ്യമാണ്.

മത്സരത്തില്‍ ഏഴ് വിക്കറ്റിനാണ് കാനഡ വിജയം സ്വന്തമാക്കിയത്. ആദ്യം ബാറ്റ് ചെയ്ത ബഹാമ 19.5 ഓവറില്‍ കഷ്ടപ്പെട്ട് എടുത്തത് 57 റണ്‍സ്! കാനഡയുടെ കലീം സന 4 ഓവറില്‍ 2 മെയ്ഡനടക്കം 6 റണ്‍സിന് 3 വിക്കറ്റുകള്‍ കൊയ്ത് ബഹാമയെ തകര്‍ത്തു.

ബംഗളൂരു ദുരന്തം പാഠം; വിജയാഘോഷങ്ങളില്‍ ഐപിഎല്‍ ടീമുകള്‍ക്ക് കര്‍ശന മാര്‍ഗനിര്‍ദേശങ്ങള്‍

കാനഡയുടെ മറുപടി വെറും 5.3 ഓവറില്‍ അവസാനിച്ചു. അവര്‍ 3 വിക്കറ്റ് മാത്രം നഷ്ടപ്പെടുത്തി 61 റണ്‍സ് അടിച്ചാണ് ജയം പിടിച്ചത്.

കാനഡയ്ക്കായി ദില്‍പ്രീത് ബജ്‍വ 14 പന്തില്‍ 5 ഫോറും ഒരു സിക്‌സും സഹിതം 36 റണ്‍സെടുത്തു. ഹര്‍ഷ് ഠാക്കൂര്‍ 8 പന്തില്‍ ഓരോ സിക്‌സും ഫോറും സഹിതം 14 റണ്‍സ് കണ്ടെത്തി.

'മറ്റുള്ളവര്‍ പിന്തുണ നല്‍കുന്നില്ല, ബുംറയുടെ ജോലി ഭാരത്തില്‍ ആശങ്ക'; വിമര്‍ശനവുമായി രവി ശാസ്ത്രി