ചെന്നൈ: കേരളത്തെ ചരിത്രത്തിലാദ്യമായി ഫൈനലിലെത്തിക്കുന്നതിൽ നിർണായക പങ്ക് വഹിച്ച സൽമാൻ നിസാർ ഐപിഎൽ ടീം ചെന്നൈ സൂപ്പർ കിങ്സിന്റെ ട്രയൽസിൽ പങ്കെടുത്തു. സൽമാനൊപ്പം ടി20യിലെ അതിവേഗ സെഞ്ച്വറിയടിച്ച ഇന്ത്യൻ താരമെന്ന നേട്ടമുള്ള ഗുജറാത്തിന്റെ ഉർവിൽ പട്ടേൽ, മുംബൈ ഓൾ റൗണ്ടർ അമാൻ ഖാൻ എന്നിവരാണ് ട്രയൽസിൽ പങ്കെടുത്തത്. കഴിഞ്ഞ ദിവസം ചെന്നൈ നഗരത്തിലായിരുന്നു ട്രയൽസ്.
ഈ സീസണിൽ കേരളം രഞ്ജിയിൽ ഫൈനൽ കളിച്ചതോടെയാണ് സൽമാൻ ദേശീയ തലത്തിൽ ശ്രദ്ധേയനായത്. ഐപിഎല്ലിൽ കൊൽക്കത്ത നൈറ്റ് റൈഡേഴ്സ്, ഡൽഹി ക്യാപിറ്റൽസ് ടീമുകൾക്കായി നേരത്തെ കളിച്ച താരമാണ് അമാൻ ഖാൻ. പേസ് ബൗളിങ് ഓൾ റൗണ്ടറാണ് താരം.
സയ്യിദ് മുഷ്താഖ് അലി ട്രോഫിയിലാണ് ത്രിപുരയ്ക്കെതിരെ ഉർവിൽ ടി20യിൽ അതിവേഗം സെഞ്ച്വറി നേടുന്ന ഇന്ത്യൻ താരമായത്. താരം 28 പന്തിലാണ് സെഞ്ച്വറി അടിച്ചത്. ഉർവിൽ നേരത്തെ ഗുജറാത്ത് ടൈറ്റൻസിനായി കളിച്ചിട്ടുണ്ട്. ഇതു രണ്ടാം തവണയാണ് ഉർവിൽ ചെന്നൈയുടെ ട്രയൽസിൽ പങ്കെടുക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക
ടെലഗ്രാം ചാനൽ സബ്സ്ക്രൈബ് ചെയ്യാൻ ക്ലിക്ക് ചെയ്യൂ
