തിരുവനന്തപുരം: കൊല്ലം തീരത്ത് മത്സ്യബന്ധന വള്ളത്തിലിടിച്ച കപ്പലിനെ തിരിച്ചറിഞ്ഞു. കപ്പലിനെ നാവികസേന പിന്തുടരുകയാണ്. ഹോങ്കോങ് റജിസ്ട്രേഷനുള്ള അങ്യാങ് എന്ന കപ്പലിനെയാണ് നാവികസേന പിന്തുടരുന്നത്. കൊളംബോ തീരത്തേക്കു നീങ്ങുന്ന കപ്പല് തീരത്തടുപ്പിക്കാന് നാവികസേന നിര്ദേശം നല്കി.
നടപടിക്കായി ആവശ്യമെങ്കില് വിദേശകാര്യമന്ത്രാലയത്തിന്റെ സഹായവും തേടുമെന്നും അധികൃതര് വ്യക്തമാക്കിയിട്ടുണ്ട്. ശനിയാഴ്ചയാണ് കൊല്ലം തീരത്ത് നിന്നും 39 നോട്ടിക്കല് മൈല് അകലെ അന്താരാഷ്ട്ര കപ്പല് ചാലിന് സമീപത്തുവെച്ച് അപകടമുണ്ടായത്. കപ്പലിടിച്ച് വള്ളം പൂര്ണമായും തകര്ന്നു. വള്ളത്തെ ഇടിച്ച് കപ്പല് നിര്ത്താതെ പോവുകയായിരുന്നു.
ഉറങ്ങിക്കിടക്കുമ്പോഴാണ് അപകടമുണ്ടായതെന്നും ഒന്നും ഓര്മയില്ലെന്നും രക്ഷപ്പെട്ട മത്സത്തൊഴിലാളികള് പറഞ്ഞിരുന്നു. ആറ് മത്സ്യത്തൊഴിലാളികളാണ് അപകടത്തില്പ്പെട്ടത്. ചൂണ്ടയിടാനെത്തിയ മത്സ്യത്തൊഴിലാളികളായിരുന്നു ഇവര്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
