തിരുവനന്തപുരം: സംസ്ഥാനത്തിന്റെ പുതിയ ചീഫ് സെക്രട്ടറിയായി നളിനി നെറ്റോയെ നിയമിക്കാന്‍ മന്ത്രിസഭായോഗം തീരുമാനിച്ചു. എസ്എം വിജയാനന്ദ് വിരമിക്കുന്ന ഒഴിവിലാണ് നളിനി നെറ്റോയുടെ നിയമനം. ഇന്നുചേര്‍ന്ന മന്ത്രിസഭായോഗമാണ് ഐഎഎസ് തലപ്പത്ത് അനേകം അഴിച്ചുപണികള്‍ നടത്തിയത്. ആഭ്യന്തര സെക്രട്ടറിയായി സുബ്രതോ വിശ്വാസിനേയും മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറിയായി വിഎസ് സെന്തിലിനെയും നിയമിച്ചിട്ടുണ്ട്.
ഇപ്പോഴുള്ള ഐഎഎസുകാരില്‍ ഏറ്റവും സീനിയറാണ് നളിനി നെറ്റോ. വിജയാനന്ദ് 81 ബാച്ചിലെയും ഷീലാ തോമസ് 85 ബാച്ചിലെയും ഉദ്യോഗസ്ഥരാണ്. നളിനി നെറ്റോയും 81 ബാച്ചിലെ ഉദ്യോഗസ്ഥയാണ്. ചീഫ് സെക്രട്ടറി എസ്എം വിജയാനന്ദും അഡീഷണല്‍ ചീഫ് സെക്രട്ടറി ഷീലാ തോമസും ഈ മാസം അവസാനമാണ് വിരമിക്കുന്നത്
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
