തിരുവനന്തപുരം: കണ്ണൂര്‍, കരുണ മെഡിക്കല്‍ കോളേജ് പ്രവേശനം ക്രമപ്പെടുത്തുന്ന ബില്ലില്‍ സര്‍ക്കാരിന് തെറ്റുപറ്റിയിട്ടില്ലെന്ന് നിയമമന്ത്രി എ കെ ബാലന്‍. നിയമപരമായ എല്ലാ നടപടിയും പാലിച്ചാണ് ബില്‍ പാസാക്കിയത്. കോണ്‍ഗ്രസും ബിജെപിയും ഇതിന് അനുകൂലവുമായിരുന്നു. ബില്‍ ഗവര്‍ണര്‍ അംഗീകരിക്കുമെന്നാണ് പ്രതീക്ഷിക്കുന്നതെന്നും എ കെ ബാലന്‍ പറഞ്ഞു. വിദ്യാര്‍ത്ഥികളുടെ ഭാവിയെ കരുതിയാണ് ബില്ല് സഭയില്‍ അവതരിപ്പിച്ചതെന്നും എ കെ ബാലന്‍ വ്യക്തമാക്കി.
സുപ്രീംകോടതി റദ്ദു ചെയ്ത ഓര്‍ഡിനന്‍സില്‍ തെറ്റുണ്ടായിട്ടില്ല. തെറ്റുണ്ടായിരുന്നുവെങ്കില്‍ ഗവര്‍ണര്‍ അത് ചൂണ്ടികാണിക്കുമായിരുന്നുവെന്നും എ കെ ബാലന്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
