ഷുഹൈബിനെ വെട്ടിയത് പരിശീലനം നേടിയ ആള്‍; ജയരാജന്‍ കിം ജോങ് ഉന്നെന്ന് കെ.സുധാകരന്‍

ഷുഹൈബ് വധം പാര്‍ട്ടി അന്വേഷിക്കുമെന്ന പി.ജയരാജന്റെ പ്രസ്താവനയെ പരിഹസിച്ച് കെ.സുധാകരന്‍. കിം ജോങ് ഉന്നിനെ പോലെയാണ് പി.ജയരാജന്‍ എന്നായിരുന്നു കണ്ണൂരിലെ സമരപന്തലില്‍ നിന്നും സുധാകരന്റെ പരിഹാസം. 

പാര്‍ട്ടി ഭരണം കൊണ്ടുവരണമെന്ന ആഗ്രഹമാണ് ജയരാജന്റെ വാക്കുകളില്‍ പ്രകടമാകുന്നത്. സമാധാന യോഗം നിയന്ത്രിക്കാന്‍ ജയരാജന്‍ ആരാണെന്നും സുധാകരന്‍ ചോദിക്കുന്നു. ഷുഹൈബിനെ വെട്ടിയത് പരിശീലനം നേടിയ ആളെന്ന് കെ.സുധാകരന്‍ ആരോപിച്ചു. ആകാശ് കേസില്‍ ഉള്‍പ്പെട്ടിട്ടില്ല എന്ന് പറഞ്ഞിട്ടില്ല. വെട്ടിയത് ആകാശ്അല്ലെന്നാണ് പറഞ്ഞത്. 

എത്ര ദിവസം വേണമെങ്കിലും നിരാഹാരം കിടക്കാന്‍ തയ്യാറാണ്. ഭാവി സമരം സംബന്ധിച്ച തീരുമാനം കോണ്‍ഗ്രസിന്റെ നേതൃയോഗത്തില്‍ തീരുമാനിക്കുമെന്നും സുധാകരന്‍.