അഗളി: മോഷണം ആരോപിച്ച് ആദിവാസി യുവാവിനെ ആള്ക്കൂട്ടം തല്ലിക്കൊന്ന സംഭവത്തില് മുഴുവന് പ്രതികളെയും അറസ്റ്റ് ചെയ്യുമെന്ന് ആദിവാസികള്ക്ക് തൃശൂര് റേഞ്ച് ഐജിയുടെ ഉറപ്പ്. സംശയം തോന്നിയ ഏഴുപേരെ അറസ്റ്റ് ചെയ്തിട്ടുണ്ടെന്നും ഇതില് രണ്ടുപേര് മധുവിനെ മര്ദ്ദിച്ചതായി മനസ്സിലായിട്ടുണ്ടെന്നും ഐജി വിശദീകരിച്ചു.
സംഭവവുമായി ബന്ധമുണ്ടെന്ന് കണ്ടെത്തിയ 12 പേരെ ഉടന് അറസ്റ്റ് ചെയ്യും. ഇവരെ പിടികൂടാന് പൊലീസ് നടപടികള് ആരംഭിച്ചു റോഡ് ഉപരോധിച്ച ആദിവാസികളോട് തൃശൂര് ഐജി എം ആര് അജിത്ത്കുമാര് പറഞ്ഞു. പ്രതികളെ എത്രയും വേഗം അറസ്റ്റ് ചെയ്യാന് മുഖ്യമന്ത്രിയുടെ നിര്ദേശമുണ്ടെന്നും ഐജി സമരക്കാരോട് പറഞ്ഞു.
ഐജിയുടെ ഉറപ്പിനെ തുടര്ന്ന് റോഡ് ഉപരോധിച്ചുള്ള സമരം അവസാനിപ്പിച്ച ആദിവാസി സമരസമിതി ഇപ്പോള് അഗളി പൊലീസ് സ്റ്റേഷന് മുന്നില് സമരം നടത്തുകയാണ്. മുഴുവന് പ്രതികളെയും അറസ്റ്റ് ചെയ്യുന്നതുവരെ പൊലീസ് സ്റ്റേഷന് മുന്നില് കുടില് കെട്ടി സമരം നടത്തും എന്നാണ് ആദിവാസി സമരസമിതിയുടെ നിലപാട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ