തിരുവനന്തപുരം : വിഴിഞ്ഞം തുറമുഖ പദ്ധതിയില്‍ പ്രതിസന്ധി. തുറമുഖ നിര്‍മ്മാണ ചുമതല ഏറ്റെടുത്തിരുന്ന അദാനി പോര്‍ട്‌സിന്റെ സിഇഒ സന്തോഷ് മഹാപാത്ര രാജിവെച്ചു. വ്യക്തപരമായ കാരണങ്ങളാലാണ് രാജിയെന്ന് മഹാപാത്ര വ്യക്തമാക്കി. വിഴിഞ്ഞം പദ്ധതിയില്‍ കേരള സര്‍ക്കാരുമായി കരാര്‍ ഒപ്പിട്ടത് സന്തോഷ് മഹാപാത്രയാണ്.
വിഴിഞ്ഞം പദ്ധതിയുടെ നിര്‍മ്മാണ പുരോഗതി ഇഴയുന്നതിലെ അതൃപ്തിയാണ് രാജിക്ക് കാരണമെന്നാണ് സൂചന. കരിങ്കല്ല് കിട്ടാത്തത് മൂലം നിര്‍മ്മാണം നിലച്ച അവസ്ഥയിലാണ്. നേരത്തെ നിശ്ചയിച്ച പ്രകാരം പദ്ധതി 2019 ഡിസംബറില്‍ തീരുമോ എന്ന് ആശങ്കയുണ്ടെന്നും സന്തോഷ് മഹാപാത്ര വ്യക്തമാക്കി. സന്തോഷ് മഹാപാത്രയുടെ രാജിയോടെ പദ്ധതിയുടെ നിര്‍മ്മാണ പ്രവര്‍ത്തനങ്ങള്‍ വീണ്ടും വൈകിയേക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
