കൊച്ചി; രാജ്യസഭാ സീറ്റിന്റെ പേരില്‍ കോണ്‍ഗ്രസില്‍ കലാപം ശക്തമായതിനെത്തുടര്‍ന്ന് നിലപാട് വ്യക്തമാക്കി പി.ജെ. കുര്യന്‍ രംഗത്ത്. പാര്‍ട്ടി പറഞ്ഞാല്‍ രാജ്യസഭാ തിരഞ്ഞെടുപ്പില്‍നിന്നു മാറിനില്‍ക്കാമെന്ന് രാജ്യസഭാ ഉപാധ്യക്ഷന്‍ വ്യക്തമാക്കി. യുവാക്കളുടെ അവസരത്തിനു താന്‍ തടസ്സമല്ല. അഭിപ്രായങ്ങളെ സ്വാഗതം ചെയ്യുന്നു. ചെങ്ങന്നൂരിലേത് വലിയ തോല്‍വിയാണ്. കാരണം പാര്‍ട്ടി പരിശോധിക്കണമെന്നും അദ്ദേഹം ആവശ്യപ്പെട്ടു.
പി.ജെ. കുര്യനെതിരേ കോണ്‍ഗ്രസിലെ യുവനേതാക്കള്‍ ഒന്നടങ്കം രംഗത്തെത്തിയതോടെയാണ് പ്രതികരണം. പ്രായമായ ആളുകളെ മാറ്റി യുവാക്കളെ രാജ്യസഭയിലേക്ക് കൊണ്ടുപോകണമെന്നാണ് യുവനിരയുടെ ആവശ്യം. പി.ജെ കുര്യനെതിരേ വി.ടി. ബല്‍റാം, ഷാഫി പറമ്പില്‍, ഹൈബി ഈഡന്‍, റോജി എം. ജോണ്‍, അനില്‍ അക്കര തുടങ്ങിയവരാണ് രംഗത്തെത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
