കൊട്ടാരക്കര: ശബരിമലയില്‍ യുവതികള്‍ക്ക് പ്രവേശിക്കാമെന്ന സുപ്രീംകോടതി വിധിയില്‍ ഇനി തീരുമാനമെടുക്കേണ്ടത് സ്ത്രീകളാണെന്ന് കെ.ബി ഗണേഷ് കുമാര്‍ എംഎല്‍എ. ക്ഷേത്രത്തിന്റെയോ വിശ്വാസത്തിന്റെയോ ആചാര ക്രമങ്ങളില്‍ കോടതിയോ സര്‍ക്കാരോ ഇടപെടുന്നത് ശരിയല്ലെന്നും അദ്ദേഹം പറഞ്ഞു.
വിശ്വാസികളുടെ പ്രതിഷേധം ഭരണകൂടവും കോടതിയും മനസ്സിലാക്കണം. ദൈവവിശ്വാസമുള്ളവരും നന്‍മ ആഗ്രഹിക്കുന്നവരുമായ സ്ത്രീകളെ ശബരിമലയില്‍ പോകില്ല. കോടതിവിധിയുടെ അടിസ്ഥാനത്തില്‍ ശബരിമലയിലെത്തുന്ന സ്ത്രീകളെ തടയാന്‍ പാടില്ലെന്നും അദ്ദേഹം പറഞ്ഞു.
ശബരിമല യുവതീപ്രവേശന വിഷയത്തില്‍ സര്‍ക്കാര്‍ സ്വീകരിച്ച നിലപാടിന് എതിരാണ് ഇടതുപക്ഷ എംഎല്‍എ ആയ ഗണേഷ് കുമാര്‍ സ്വീകരിച്ചിരിക്കുന്നത്. ക്ഷേത്രങ്ങളിലെത്തുന്ന യുവതികള്‍ക്ക് സൗകര്യങ്ങള്‍ ഒരുക്കുന്ന നടപടിയുമായി സര്‍ക്കാര്‍ മുന്നോട്ടു പോകുകയാണ്. സര്‍ക്കാരിന് എതിരെ നടക്കുന്ന വ്യാജ പ്രചാരണങ്ങള്‍ക്ക് തടയിടാന്‍ ബദല്‍ പരിപാടികളുമായി സിപിഎമ്മും രംഗത്തുണ്ട്. അതിനിടയിലാണ് സര്‍ക്കാര്‍ നിലപാടിന് എതിരായി കെ.ബി ഗണേഷ് കുമാര്‍ രംഗത്ത് വന്നിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
