

കൊച്ചി: മുന് ജലന്ധര് ബിഷപ്പ് ഫ്രാങ്കോ മുളയ്ക്ക്ല് കന്യാസ്ത്രീയെ പ്രകൃതി വിരുദ്ധവും അതി ക്രൂരവുമായ ലൈംഗിക പീഡനത്തിന് വിധേയയാക്കിയെന്ന് പൊലീസ്. ബലാത്സംഗം, പ്രകൃതി വിരുദ്ധ പീഡനം, ഭീഷണിപ്പെടുത്തല് എന്നീ വകുപ്പുകള് പ്രകാരമാണ് ഫ്രാങ്കോയ്ക്കെതിരെ കേസെടുത്തത്. ജില്ലാ പൊലീസ് മേധാവി എസ് ഹരിശങ്കര് ആണ് ഇക്കാര്യം അറിയിച്ചത്.
മൂന്ന് ദിവസത്തെ ചോദ്യം ചെയ്യലില് നിന്ന് കേസിന് ഉപകാര പ്രദമായ നിരവധി കാര്യങ്ങള് ലഭിച്ചതായി ഹരിശങ്കര് വെളിപ്പെടുത്തി. തനിക്കെതിരെ ഗൂഡാലോചന നടന്നു എന്ന ഫ്രാങ്കോയുടെ വാദം പൊളിഞ്ഞതായും അദ്ദേഹം പറഞ്ഞു.
ഇന്ന് വൈദ്യപരിശോധനയ്ക്ക് ശേഷം നാളെ പാല കോടതിയില് ഫ്രാങ്കോ മുളയ്ക്കലിനെ ഹാജരാക്കും. വൈദിക വസ്ത്രങ്ങളെല്ലാം മാറ്റിവെച്ചാണ് ഫ്രാങ്കോയെ വൈദ്യപരിശോധനക്ക് കൊണ്ടുപോയത്. ഫ്രാങ്കോയെ മൂന്ന് ദിവസത്തേക്ക് കസ്റ്റഡിയില് ലഭിക്കുന്നതിനും പൊലീസ് നാളെ കോടതിയില് അപേക്ഷ നല്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates