തിരുവനന്തപുരം: മാധ്യമപ്രവര്ത്തകന് എസ് വി പ്രദീപ് വാഹനാപകടത്തില് മരിച്ചു. സ്കൂട്ടറില് സഞ്ചരിക്കുകയായിരുന്ന പ്രദീപിനെ അതേദിശയില് വന്ന കാറിടിക്കുകയായിരുന്നു.
തിരുവനന്തപുരം കാരയ്ക്കാമണ്ഡപത്തിന് സമീപം ഉച്ചയ്ക്ക് മൂന്നരയോടെയാണ് സംഭവം. വീട്ടിലേക്ക് പോകുന്ന വഴിയാണ് അപകടം ഉണ്ടായത്. വണ്വേയിലൂടെയാണ് വാഹനം ഓടിച്ചിരുന്നത്. അതേദിശയില് വന്ന കാറിടിക്കുകയായിരുന്നുവെന്നാണ് ദൃക്സാക്ഷികള് പറയുന്നത്. ഇടിച്ച വാഹനം നിര്ത്താതെ പോയി.
പ്രദീപിനെ ഉടന് തന്നെ തിരുവനന്തപുരം മെഡിക്കല് കോളജ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മരണത്തില് ദുരൂഹത ഉണ്ടോയെന്ന് അന്വേഷിക്കാനായി ഫോര്ട്ട് അസിസറ്റന്റ് കമ്മീഷണറുടെ നേതൃത്വത്തിലുള്ള പ്രത്യേക സംഘത്തെ ചുമതലപ്പെടുത്തി. പ്രദേശത്തെ സിസിടിവി ദൃശ്യങ്ങള് അടക്കം സംഘം പരിശോധിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
