ഗുരുവായൂര്‍: ഗുരുവായൂര്‍ ക്ഷേത്രത്തില്‍ കാണിക്കയായി ലഭിച്ച മഹീന്ദ്ര ഥാര്‍ ഇടപ്പള്ളി സ്വദേശി അമല്‍ മുഹമ്മദലി ലേലത്തില്‍ പിടിച്ചു. 15,10,000 രൂപയ്ക്കാണ് അമല്‍ വാഹനം സ്വന്തമാക്കിയത്. ശനിയാഴ്ച നടന്ന ലേലത്തിലാണ് അമല്‍ വാഹനം സ്വന്തമാക്കിയത്.
കാണിക്കയായി ലഭിച്ച ഥാര്‍ എസ്യുവി പരസ്യലേലത്തിന് വയ്ക്കാന്‍ ദേവസ്വം ഭരണസമിതി തീരുമാനിച്ചിരുന്നു. മഹീന്ദ്രയുടെ ലൈഫ് സ്റ്റൈല്‍ എസ്യുവി ഥാര്‍ സമര്‍പ്പിക്കപ്പെട്ടത് വാര്‍ത്തയായിരുന്നു. ലിമിറ്റഡ് എഡിഷന്‍ പതിപ്പാണ് കാണിക്കയായി മഹീന്ദ്ര സമര്‍പ്പിച്ചത്.
ഒരാള്‍ മാത്രമാണ് ലേലത്തില്‍ നേരിട്ട് പങ്കെടുത്തത്. 21കാരനാണ് അമല്‍ മുഹമ്മദലി. ബഹ്‌റിനുള്ള അമലിന് വേണ്ടി അമലിന്റെ പിതാവിന്റെ സുഹൃത്താണ് ലേലത്തില്‍ പങ്കെടുത്തത്. അമലിന് സമ്മാനമായി നല്‍കാന്‍ പിതാവാണ് ലേലത്തില്‍ പങ്കെടുക്കാന്‍ നിര്‍ദേശിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
