'കുഞ്ഞിനെ കണ്ടതിൽ സന്തോഷമുണ്ട്, വിട്ടുപോന്നതിൽ വിഷമം'- അനുപമ 

By സമകാലിക മലയാളം ഡെസ്‌ക്‌  |   Published: 23rd November 2021 07:11 PM  |  

Last Updated: 23rd November 2021 07:11 PM  |   A+A-   |  

anupama

ടെലിവിഷൻ ദൃശ്യം

 

തിരുവനന്തപുരം: ഡിഎൻഎ ഫലം പോസിറ്റീവ് ആയതിന് പിന്നാലെ അനുപമയും അജിത്തും കുഞ്ഞിനെ കണ്ടു. സിഡബ്ല്യുസിൽ നിന്ന് അനുമതി ലഭിച്ചതിനേ തുടർന്നാണ് കുന്നുകുഴിയിലുള്ള നിർമല ശിശുഭവനിലെത്തി ഇരുവരും കുഞ്ഞിനെ കണ്ടത്. സമരപ്പന്തലിൽ നിന്നാണ് കുഞ്ഞിനെ സംരക്ഷിക്കുന്ന ശിശുഭവനിലേക്ക് അനുപമയും അജിത്തും പോയത്.

കുഞ്ഞിനെ കാണാൻ സാധിച്ചതിൽ ഒരുപാട് സന്തോഷമുണ്ടെമെന്ന് കുഞ്ഞിനെ കണ്ടശേഷം അനുപമ പറഞ്ഞു. കണ്ടിട്ട് വിട്ടുപോന്നതിൽ വിഷമമുണ്ട്. കുഞ്ഞ് സുഖമായി ഇരിക്കുന്നുവെന്നും കോടതി നടപടികൾ വേഗത്തിലാക്കാൻ അഭ്യർഥിക്കുമെന്ന് സിഡബ്യുസിയിൽ നിന്ന് അറിയിച്ചിട്ടുണ്ടെന്നും അവർ പറഞ്ഞു.

പ്രസവിച്ച് മൂന്ന് ദിവസത്തിനു ശേഷം തന്നിൽനിന്ന് അകറ്റപ്പെട്ട കുഞ്ഞിനെയാണ് ഒരു വർഷത്തിനു ശേഷം അനുപമ കണ്ടത്. കുഞ്ഞ് അനുപമയുടേത് തന്നെയാണെന്ന് ഉറപ്പിക്കുന്നതിന് നടത്തിയ ഡിഎൻഎ പരിശോധനാ ഫലം പോസിറ്റീവ് ആയതോടെയാണ് അനുപമയ്ക്ക് കുഞ്ഞിനെ കാണാൻ അനുമതി ലഭിച്ചത്. ദത്ത് നൽകപ്പെട്ട കുഞ്ഞിനെ കോടതി നിർദേശ പ്രകാരം കഴിഞ്ഞ ദിവസമാണ് ആന്ധ്രയിൽനിന്ന് കേരളത്തിലെത്തിച്ചത്.