ഇടുക്കിയില്‍ ഓറഞ്ച് അലര്‍ട്ട്; പത്തു ജില്ലകളില്‍ വ്യാപക മഴയ്ക്കു സാധ്യത

By സമകാലിക മലയാളം ഡെസ്‌ക്‌  |   Published: 27th November 2021 04:43 PM  |  

Last Updated: 27th November 2021 04:43 PM  |   A+A-   |  

rain forecast in kerala

ഫയല്‍ ചിത്രം

 

തിരുവനന്തപുരം: നാളെ സംസ്ഥാനത്ത് വ്യാപക മഴയ്ക്കു സാധ്യതയെന്നു കാലാവസ്ഥാ മുന്നറിയിപ്പ്. ഇടുക്കി ജില്ലയില്‍ തീവ്ര മഴയ്ക്കുള്ള സാധ്യത കണക്കിലെടുത്ത് ഓറഞ്ച് അലര്‍ട്ട് പ്രഖ്യാപിച്ചു. മറ്റു പത്തു ജില്ലകളില്‍ യെല്ലോ അലര്‍ട്ടുണ്ട്.

തിരുവനന്തപുരം, കൊല്ലം, പത്തനംതിട്ട, കോട്ടയം, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് യെല്ലോ അലര്‍ട്ട്. ഈ ജില്ലകളില്‍ വ്യാപക മഴയ്ക്കു സാധ്യതയുണ്ടെന്ന് മുന്നറിയിപ്പില്‍ പറയുന്നു.

തിങ്കളാഴ്ച എറണാകുളം, ഇടുക്കി, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചിട്ടുണ്ട്.