തിരുവനന്തപുരം: മദ്യപിക്കുന്നതിനിടെയിൽ വാക്കുതർക്കമുണ്ടായതിനെ തുടർന്ന് സുഹൃത്തുക്കൾക്കുനേരേ പിക്കപ്പ് വാൻ ഓടിച്ച് കയറ്റിയ സംഭവത്തിൽ ഒരാൾ മരിച്ചു. മുള്ളറംകോട് അജീഷ് ഭവനിൽ അജിത്ത്(29) ആണ് മരിച്ചത്. ഒരാൾ ഗുരുതര പരിക്കുകളോടെ തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലാണ്.
തിങ്കളാഴ്ച രാത്രി എട്ടംഗസംഘം മദ്യപിക്കുന്നതിനിടെയിലാണ് തർക്കമുണ്ടായത്. വാക്കേറ്റവും കൈയേറ്റവും ഉണ്ടായി. ഇതിനിടയിലാണ് സജീവ്കുമാർ പിക്കപ്പ് വാൻ ഓടിച്ച് അജിത്തിനെയും പ്രമോദിനെയും ഇടിച്ചത്. പരിക്കേറ്റു വീണ രണ്ടുപേരെയും സുഹൃത്തുക്കൾ തന്നെയാണ് ആശുപത്രിയിൽ പ്രവേശിപ്പിച്ചത്. സജീവ്കുമാർ അടക്കം15 പേരെ പൊലീസ് കസ്റ്റഡിയിലെടുത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
