'സുകുമാരക്കുറുപ്പ് പോയിട്ട് കാലം എത്രയായി?. പിടിച്ചോ? പലരും മാറി മാറി ഭരിച്ചില്ലേ?'
By സമകാലിക മലയാളം ഡെസ്‌ക്‌ | Published: 12th July 2022 02:23 PM |
Last Updated: 12th July 2022 02:23 PM | A+A A- |
ഫയല്‍ ചിത്രം
തിരുവനന്തപുരം: എകെജി സെന്റര്‍ ആക്രമണക്കേസില്‍ പ്രതിയെ പിടികൂടാനാവത്തതില്‍ വിചിത്രവാദവുമായി എല്‍ഡിഎഫ് കണ്‍വീനറും സിപിഎം നേതാവുമായ ഇപി ജയരാജന്‍. സുകുമാരെ കുറുപ്പിനെ ഇതുവരെ പിടികൂടാനായോ? കക്കാന്‍ പഠിച്ചവന് നില്‍ക്കാനുമറിയാമെന്നായിരുന്നു ജയരാജന്റെ പ്രതികരണം.
'സുകുമാരക്കുറുപ്പ് പോയിട്ട് കാലം എത്രയായി?. പിടിച്ചോ?. പലരും മാറി മാറി ഭരിച്ചില്ലേ?. എത്രയെത്ര കേസുകള്‍ ഉണ്ട് ഇങ്ങനെ?. പൊലീസ് നല്ല നിലയില്‍ അന്വേഷിക്കുന്നുണ്ട്. പിന്നെ കക്കാന്‍ പഠിക്കുന്നവര്‍ക്ക് അറിയാം. ഞ്ഞേലാനും. അത് വടക്കെ മലബാറിലുള്ള ഒരു ശൈലിയാണ്. ഇത്തരത്തിലുള്ള കൃത്യം നിര്‍വഹിക്കുന്നവര്‍ രക്ഷപ്പെടാനുള്ള വഴികളും സ്വീകരിക്കും. സ്വീകരിച്ചിട്ടുണ്ടാകാം. അതുകൊണ്ട് പൊലീസിന്റെ ശക്തി, ബുദ്ധിപരമായ കഴിവ്, എല്ലാത്തരത്തിലുള്ള ശാസ്ത്ര സാങ്കേതിക വിദ്യകള്‍, ഇതെല്ലാം ഉപയോഗിച്ച് ജാഗ്രതയോടെ അന്വേഷണം നടത്തുന്നുണ്ട്'- ജയരാജന്‍ പറഞ്ഞു.
എകെജി സെന്ററിന് എതിരായ ആക്രമണം നടന്നിട്ട് 12 ദിവസമായിട്ടും ഇതുവരെ പ്രതിയെ പിടികൂടാന്‍ കഴിഞ്ഞിട്ടില്ല. ഈ സാഹചര്യത്തിലായിരുന്നു ഇപി ജയരാജനോടുള്ള മാധ്യമപ്രവര്‍ത്തകരുടെ ചോദ്യം.
ഈ വാര്‍ത്ത കൂടി വായിക്കൂ
'ലോകകാര്യങ്ങള്‍ നോക്കേണ്ട മന്ത്രി ഫ്‌ളൈ ഓവര്‍ നോക്കാന്‍ വന്നിരിക്കുന്നു'
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
