'മന്ത്രിമാരെ പിന്‍വലിക്കുമെന്ന് പറഞ്ഞിട്ടില്ല; എന്നെ വിലയിരുത്താന്‍ വരേണ്ട': ഗവര്‍ണര്‍

വീണ്ടും സംസ്ഥാന സര്‍ക്കാരിനെ കടന്നാക്രമിച്ച് ഗവര്‍ണര്‍ ആരിഫ് മുഹമ്മദ് ഖാന്‍
ഫയല്‍ ചിത്രം
ഫയല്‍ ചിത്രം

കൊച്ചി: വീണ്ടും സംസ്ഥാന സര്‍ക്കാരിനെ കടന്നാക്രമിച്ച് ഗവര്‍ണര്‍ ആരിഫ് മുഹമ്മദ് ഖാന്‍. സര്‍ക്കാര്‍ പരിധി വിടരുതെന്ന് ആവര്‍ത്തിച്ച ഗവര്‍ണര്‍, തന്റെ പ്രവര്‍ത്തനം വിലയിരുത്താന്‍ മന്ത്രിമാര്‍ക്ക് എന്ത് അധികാരമെന്നും ചോദിച്ചു. വിസിയുടെ നിയമനം നടത്താന്‍ ആര്‍ക്കാണ് അര്‍ഹതയെന്നും ആര്‍ക്കാണ് അര്‍ഹതയില്ലാത്തതെന്നും സുപ്രീംകോടതി ഉത്തരവിലൂടെ വ്യക്തമായതായും ഗവര്‍ണര്‍ കൂട്ടിച്ചേര്‍ത്തു.

തന്നെ വിലയിരുത്താന്‍ വരേണ്ടെന്നും മന്ത്രിമാരുടെ നടപടികള്‍ വിലയിരുത്താനാണ് തന്നെ നിയമിച്ചിരിക്കുന്നതെന്നും ഗവര്‍ണര്‍ പറഞ്ഞു. പാര്‍ട്ടിക്കാരെയാണ് പ്രൈവറ്റ്‌ സ്റ്റാഫായി മന്ത്രിമാര്‍ നിയമിക്കുന്നതെന്നും അദ്ദേഹം ആരോപിച്ചു.

താന്‍ മന്ത്രിമാരെ പിന്‍വലിക്കുമെന്ന് പറഞ്ഞിട്ടില്ലെന്നും ഗവര്‍ണര്‍ പറഞ്ഞു. തൃപ്തി പിന്‍വലിക്കല്‍ എന്നാല്‍ മന്ത്രിയെ പിന്‍വലിക്കലല്ല. തന്റെ അതൃപ്തി മുഖ്യമന്ത്രിയെ അറിയിക്കും എന്ന് മാത്രമാണ് ഉദ്ദേശിച്ചതെന്നും ഗവര്‍ണര്‍ പറഞ്ഞു. പാകിസ്ഥാന്റെ ഭാഷയില്‍ ഭരണഘടനക്കെതിരെ സംസാരിക്കുന്നവര്‍ വരെ കേരളത്തിലുണ്ടെന്നും ഗവര്‍ണര്‍ പറഞ്ഞു. കൊച്ചിയില്‍ പുസ്തക പ്രകാശന ചടങ്ങിലായിരുന്നു ഗവര്‍ണറുടെ വിമര്‍ശനം.

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com