കുഴൽ കിണർ അറ്റകുറ്റപ്പണിക്കിടെ ചെയിൻ ബ്ലോക്ക് പൊട്ടി തലയിൽ വീണു; യുവാവ് മരിച്ചു

പാലക്കാട്: കുഴൽ കിണർ അറ്റകുറ്റപ്പണി നടത്തുന്നതിനിടെ ചെയിൻ ബ്ലോക്ക് പൊട്ടി തലയിൽ വീണ് യുവാവ് മരിച്ചു. ചിറക്കൽപ്പടി കുഴിയിൽപ്പീടിക അമാനുല്ല- നബീസു ദമ്പതികളുടെ മകൻ മൊയ്തീൻ (24) ആണ് മരിച്ചത്.

ഇയാളെ സഹായിക്കാൻ ഒപ്പമുണ്ടായിരുന്ന തെങ്കര മണലടി ആട്ടം പള്ളി രവിയുടെ മകൻ ശ്രീജിത്തിനെ പരിക്കുകളോടെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്നലെ രാത്രി എട്ട് മണിയോടെയാണ് സംഭവം.

കോടതിപടി ഹാർമണി അപ്പാർട്ടമെന്റിലെ കുഴൽ കിണറാണ് തകരാറിലായത്. ഇതു നന്നാക്കുന്നതിനിടെ ചെയിൻ ബ്ലോക്ക് പൊട്ടി ഇരുവരുടേയും തലയിൽ വീഴുകയായിരുന്നു. 

ഈ വാര്‍ത്ത കൂടി വായിക്കൂ 

അമ്മയോടൊപ്പം നടന്നു പോകുന്നതിനിടെ കാർ പാഞ്ഞു വന്നു; രണ്ടര വയസുകാരന് ദാരുണാന്ത്യം  

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ